दुहबी / सुनसरीको गढी गाउँपालिका २ औराबनीमा बिगत ५ बर्ष देखि संचालनमा रहेको चौधरी ग्रुपको सि.जि.फुड्स पार्क,वाइवाइ चाउचाउ उद्योगमा कार्यरत मजदुरहरु सेवा सुबिधा नपाएको भन्दै मंगलबार देखि काम काज ठ्प्प पारी आन्दोलित भएका छ्न। सो उधोगमा करिब ४ सय ५० जना मजदुरहरु कार्यरत रहेका छन ।
बिगत ५ बर्ष देखि उद्योगमा कार्यरत मजदुरहरुका अनुसार कम्पनीले बोनस बापतको केही रकम दिदै आएको र सो
रकम यस पटक पनि दिने भन्ने सहमति मजदुर र उधोग प्रसासन बिच भएता पनि सो विषयमा पटक-पटक जानकारी गराउदा समेत कम्पनीले आलटाल गर्दै कुनै सुनवाइ नगरेकोले आफू मजदुरहरु असोज १४ गते देखि १ महिने लिखित अल्टिमेटम दिदा समेत उधोग व्यवस्थापनले अटेर गर्दा आफुहरु बाध्य भएर आन्दोलनमा उत्रिनु परेको नेपाल कारखाना श्रमिक संघका ईकाइ अध्यक्ष दिनेश मुखियाले बताए । मुखीयाका अनुसार सो उद्योगमा श्रम ऐनमा भएको अनुसार कुनै सेवा सुबिधा मजदुरहरुले नपाएको आरोप लगाएका छन।
त्यसै गरि कम्पनीमा कार्यरत मजदुर कृष्ण कुमार चौधरीका अनुसार कम्पनीले ज्यालादारी भनेर नियुक्ति गरेपनी प्रती ८ घण्टाको एकमुष्ट फरक फरक रकम बैंकमा पठाउने गर्नाले आफुहरु दैनिकी ज्याला र ओभर टाइम बापतको ज्यालामा के कति हो भन्ने सम्म जानकारी नभएको मजदुरहरुले गुनासो गरेका हुन। त्यसै गरि प्रत्येक बर्ष मजदुरहरुलाइ सेलरी सीप नदिइ मनोमानी पेमेन्ट गर्दा मजदुरहरु अन्यायमा परेको आरोप लगाएका छन।
यस कम्पनीले बिगत २ बर्ष देखि मुनाफाको दस प्रतिशत रकमको बोनस स्वरूप दिनुपर्नेमा विभिन्न बहानाबाजि गर्ने कम्पनी घाटामा गएको भन्दै आलटाल गर्ने गरेको मजदुरहरुको आरोप छ। तर कम्पनी हाता भित्र विभिन्न नयाँ भवन मेसिनरी सामानहरु जस्ता महँगो भवनका संरचनाहरु निर्माण गर्दै आएकोले उधोग घाटामा नरहेको मजदुरहरुको आरोप रहेका छन ।
यता पटकपटक उद्योग प्रसासन र जिल्ला काङ्ग्रेस र एमाले निकट टूेड युनियनका जिल्ला तथा इकाई समितिहरुका पदाधिकारीहरुको पटक पटकको बैठकले कुनै निस्कर्स न निस्किदा मजदुर आन्दोलित भएको मजदुरहरुको भनाई रहेको छ ।
सो बिषयमा सि.जि.फुड्स उद्योग व्यवस्थापक तर्फका जन सम्पर्क अधिकृत हेम खडका संग बुझ्दा बिगतमा कम्पनी फाइदामा रहेकोले खुशीयाली स्वरूप मजदुरहरुलाइ केही रकम दिएको तर यसपाली घाटामा रहेकोले अरु मागको बुंदामा बार्ताको माध्यम बाट बिचार गर्न सकिने भन्दै हाल बोनस बापतको रकम दिन नसक्ने बताए ।
