दुहबी/सुनसरीको दुहबीमा गढि प्रिमियर लिग, क्रिकेट प्रतियोगिता २०७८ को अक्सन कार्यक्रम सम्पन्न भएको छ। कार्यक्रमका प्रमुख अतिथी गढी गाउँ पालिकाका अध्यक्ष श्रीप्रसाद यादवले अक्सन कार्यक्रमको बिधिवत उदघाटन गरेका थिए। विशिष्ट अतिथि प्रदेश-१ खेलकुद विकास बोर्डको सदस्य सचिव परषुराम बस्नेत रहेका थिए। उनी CAN को केन्द्र कोषाध्यक्ष,बिराट गोल्डकपको सचिव समेत हुन।
टिम खरिद कर्ताहरु
१. छपकी सुपर किङ्स – कुन्ती हार्डवेर्स्, डा. बिसेम्बर यादव, गोकुल किड्जी स्कुल दुहबी
२. छिटाहा टाइगर्स – दक्ष ग्रुप (श्यामदेव साह)
३. गढी राईडर्स- गढी प्याब्सन (प्रतिनिधि – अध्यक्ष राजाराम मेहता )
४. भमरी वारियर्स – जी.एस. प्लाई ई. (पशुपति साह)
५. मधेली च्यालेन्जर्स – गणपति च्यूरा मिल दुहबी (राजकुमार रौनियार) रहेका छन्।
“स्थानिय सहभागितामा स्थानिय विकास” मूल नाराको साथ स्थानिय जागरुक शिक्षित युवाहरुको समूहद्धारा स्थापना गरिएको ‘डिजिटल आदर्श गढ़ी निर्माण अभियान’ को अभियानको एक अहम अङ्ग हो खेलकुद विधा भित्रको आयोजनागर्न लागिएको डिजिटल गढी प्रिमियर लिग, क्रिकेट प्रतियोगिता २०७८, दोस्रो संस्करण रहेको छ ।
गढी खेल मैदान बचाउँ गढी राष्ट्रिय रंगशाला बनाउँ अभियान अन्तरगत प्रारम्भ गरिएको विभिन्न खेल गतिविधि मध्ये डिजिटल गढी प्रिमियर लिग क्रिकेट टुर्नामेन्टको पहिलेको संस्करण बाट स्थानिय खेलाडीको छनौट सुनसरी जिल्ला टिममा हुनुले ज्यादै नै उपलब्धि मुलक भएको अनुभुति भएको छ र स्थानिय खेलाडीलाई निकै प्रोत्साहित भएकाले खेल गतिविधि ग्रामिण क्षेत्र भएपनि उत्साहा ले भरिपूर्ण देखिन्छ । भोलिको समयमा राष्ट्रिलाई प्रतिनिधित्व गर्ने खेलाडी यस डिजिटल गढी प्रिमियर लिगको माध्यमबाट उत्पादन गर्ने विश्वासले दोस्रो संस्करण प्रदेश नं. १ कै पहिलो फ्रेन्चाइच क्रिकेट प्रतियोगिताको रुपमा आयोजना गर्न लागिएको हो । अभियानले अपिल मार्फत नेपालको वर्तमान खेलकुद क्षेत्रको सम्बन्धमा क्रिकेट खेलले अहिले आएर तिव्र रुपमा लोकप्रिय भई रहेको सर्वविदितै छ।
नेपाली क्रिकेटको कुरा गर्नु पर्दा १० वर्ष पहिला नेपाल क्रिकेटमा १ नं. प्रदेश क्षेत्रको एक छत्र राज गर्दै आएको थियो । सिमित श्रोत र साधन बाबजुद १ नं. प्रदेशको क्रिकेट खेलाडीहरुले विभिन्न उमेर समुह तथा राष्ट्रिय टोलीहरुमा उल्लेखनीय प्रदर्शन गर्दै आइरहेका थिए । तर हाम्रो विडम्बना अहिले आएर १ नं. प्रदेशका क्रिकेट क्षेत्र केही खस्कीएको भान भएको छ । यध्यपी यस क्षेत्रमा अहिले पनि खेलाडीहरुको कमी भने छैन । र विगत ३ वर्ष देखी १ नं. प्रदेशमा खेलाडीहरु कोभिड १९ को कारणले गर्दा उल्लेख्यनिय क्रिकेट प्रतियोगिताहरु हुन सकिरहेका छैनन् तथा खेलाडीहरु पनि सहभागिता जनाउन सकेका छैनन् । क्रिकेट विकासको लागि यस किसिमका केही क्रिकेट प्रतियोगिता गर्न जरुरी छ । किनभने क्रिकेट प्रतियोगिताबाट नै उत्कृष्ट प्रदर्शन गर्दै खेलाडीहरुले राष्ट्रिय तथा अन्तर्राष्ट्रिय क्षेत्रमा प्रभाव जमाउन सक्छन्।
हालसम्म नेपालमा स्थानिय तथा प्रदेश स्तरबाट विभिन्न क्रिकेट प्रतियोगिताहरु भईरहेको छ । तर १ नं. प्रदेशमा क्रिकेट प्रतियोगिताहरु कम भएका छन् । यसै कुरालाई ध्यानमा राखेर यस समितिले प्रदेश नं. १ को पहिलो अक्सनमा आधारित फ्रेन्चाइच क्रिकेट प्रतियोगिताको रुपमा क्रिकेटलाई ग्रामिण तह देखी नै विकास गर्ने उद्देश्य राखेर यस प्रतियोगिता आयोजना गर्ने जमर्को गरेको छ ।
