दुहबी/ सुनसरीको दुहबी १० सिमरिया स्थित मुस्लिम धर्मालम्बि हरुको सार्वजनिक कब्रस्तान (आर्यघाटम) डोजर प्रयोग गरी बाटो बनाउन खोज्दा स्थानीयहरु आन्दोलित भएका छन ।
दुहबी ३ घर भएका व्यापारी राजकुमार रौनियार विरुद्ध शुक्रबार ईलाका प्रहरी कार्यालय दुहबीमा स्थानीयहरुले उजुरी दिएका छन ।
व्यापारी राजकुमार रौनियारले केही दिन अगाडि ईटा भट्टा उद्योग संचालन गर्न कब्रिस्तानको पुर्व पटिको जग्गा किनेर ब्यक्तिगत प्रयोजनको लागि सार्वजनिक कब्रिस्तानको बिचबाट उद्योग सम्म बाटो जोड्न जबर्जस्ती डोजर प्रयोग गरी बाटो निर्माणकार्य गरिरहेको बेला आज शुक्रबार बिहानको ८ बजे सो निर्माणकार्य बाटोलाई स्थानीयहरुले रोक्न खोज्दा रौनियाले फोन गरी थप मानिस हरुलाई बोलाई रौनियारको निर्देशनमा स्थानीय युवा तथा महिला लगायत माथी हातपात गरि दुर्ववहार गरेको उजुरीमा उल्लेख छ ।
यता स्थानीय जाबुल हुसेनका अनुसार पुस्तौ देखि सो ठाउँको सार्वजनिक जग्गामा कब्रिस्तान (आर्यघाट) रहेकोमा हाल केही भुमाफिया संग मिलेर व्यापारी रौनियारले जानीजानी डोजर प्रयोग गरी कब्रिस्तानमा खनेर तहस नहस बनाउने काम गरेकोले बाध्य भएर आफुहरु आन्दोलित भई उजुरी दिन बाध्य भएको बताए ।
स्थानीयहरु भन्छन योत हामी माथी घोर अन्याय भयो अब हामी न्याय माग्न काहा जाने वडामा नगरमा प्रसाशनमा जानकारी गराएका छौ । शुक्रबारनै संचारकर्मि संगको कुरा कानीमा स्थानीयहरुले न्यायकालागि नागरिक समाज , राजनीति दल, मानव अधिकार कर्मि, संचारकर्मि लगायतमा न्यायको लागि अपिल समेत गरेका छन ।
