सुनसरीको दुहबी नगरपालीका न्यायिक समितिको आयोजनामा सुनसरी जिल्ला अन्तरपालीका स्तरिय न्यायिक भेटघाट तथा अन्तर्कृया सम्पन्न भएको छ्।
दुहबी उपप्रमुख तथा न्यायिक समिति संयोजक मेनुका खतिवडाको अध्यक्षता रहेको उक्त कार्यक्रमका प्रमुख अतिथि दुहबी नगर प्रमुख बेद गच्छादारले पानसमा बत्ति बालेर कार्यक्रमको उद्घाटन गरेका थिए। बिशिष्ट अतिथिमा सुनसरीका १२ वटै पालिका उपप्रमुख र दुहबी का प्रमुख प्रशासकिय अधिकृत हिमालय बराल रहेका थिए।
कार्यक्रमलाइ सम्बोधन गर्दै प्रमुख अतिथि गच्छादारले २०७२ को संबिधानले परिकल्पना गरेको तिन तहको सरकार मध्य स्थानिय सरकारको कार्यपालिका , न्यायपालीका, ब्यावस्थापिकाले स्थानिय जनसरोकारको बिषयलाइ उत्तरदायि र उपल्बधि मुलक सम्बोधन गरेको बताए।
उनले सिमित श्रोत र साधन बिच पनि स्तानिय सरकारले ग्रामिण तथा न्यायमा पहुच नपुगेका नागरिकको मुख्य अदालतको रुपमा बिस्वास जितेर कार्यरत न्यायिक समितिले न्याय सम्पादनको क्षेत्रमा उल्लेखनिय भुमिका निर्वाह गर्दै आएको बताए। आर्थिक मन्दिका कारण राज्यले दिने अनुदानमा भारी कटौति गरेपनि जनताको चासो, गुनासो र सरोकारको मुद्दामा स्थानिय सरकार कटिबद्द रहदै न्यायिक सम्पादनलाइ प्रभावकारि उपयोग गर्न बजेट दुहबी नगरपालीकाले कटौति नगरी अन्य शिर्षकको कटौति गरेको उनले बताए।
ग्रामिण क्षेत्रका न्यायमा पहुच नभएका नागरिकको अनुहारमा खुसि ल्याउन दुहबीको मेयरको हैसियतले आफु प्रतिबद्द रहेको बताउदै उनले हर समस्याको क्षेत्रमा आफु सहयोग गर्न तत्पर रहेको जनाए। उपप्रमुख मेनुका खतिवडाले आफु चुनाव जितेर आउदा १६६ वटा न्यायिक मुद्दा पेन्डिन रहेको र ति सबै हाल फर्च्योट भैसकेको र आर्थिक बर्ष २०८०/८१ का १५७ वटा मुद्दा मध्य १३३ वटा न्यायिक फर्च्योट भैसकेको र बाकि क्रमागतमा रहेको जानकारि दिइन ।
कार्यक्रममा धरान उपमाहानगर, इटहरी उपमाहनगर, दुह्बी नगर, इनरुवा नगर, रामधुनि नगर, बराहा नगर, हरिनगरा, भोक्राहा, देवानगन्ज, गढि, बर्जु, कोशी गाउपालीका का उपमेयर, न्यायिक समिति र मेलमिलाप समिति लगायत ले आ आफ्नो कुरा राखेका थिए।
