सुनसरी/ सुनसरीको दुहबी नगरमा मेयरका स्वतन्त्र उमेदवार इन्द्र श्रेष्ठ सहित ७ सय बढी राप्रपामा प्रवेश गरेका छन्।
राष्ट्रिय प्रजातन्त्र पार्टि सुनसरीले आयोजना गरेको बिशाल आम सभामा नसोचेको जनसागर उर्लिएको थियो । सुनसरीको बराहक्षेत्रमा आयोजित बिशाल सभामा सुनसरी जिल्लाको १२ वटै स्थानीय निकायहरुबाट ८ हजार बढीको सहभागिता रहेको जनाइएको छ।
बिशेष आम सभालाइ पार्टिका केन्द्रिय अध्यक्ष राजेन्द्र लिंग्देन , सामाजिक अभियान्ता तथा हालै पार्टिमा प्रवेश गरेका ज्ञानेन्द्र शाहि लगायत केन्द्रिय स्तरका नेताहरुले सम्बोधन गरेका थिए।
उक्त आमसभामा लायन्स क्ल्बका कोषाध्यक्ष,एमालेका पुर्ब सुनसरी जिल्ला सदस्य तथा रास्ट्रिय बाणिज्य संघ दुहबीका पुर्व अध्यक्ष दुहबी नगरमा मेयरका स्वतन्त्र उमेदवार रहेका ईन्द्र श्रेष्ठ लगायत बिभिन्न पार्टी परित्याग गरि ७ सय बढि राप्रपामा प्रवेश गरेको राप्रपा सुनसरीका अध्यक्ष दुर्गा बस्नेतले जनाएका छन। राप्रपाले स्वतन्त्रका उम्मेदवारहरुलाई पार्टीमा अवसर दिने जनाएपछि पछिल्लो चरणमा राप्रपा पार्टी प्रवेश गर्नेको लर्को लागेको देखिन्छ। इन्द्र श्रेष्ठले इमानदार र स्वच्छ राजनीति गर्ने उदेश्यले मात्र पार्टी प्रवेश गरेको जनाए।
राप्रपाले दुहबीको मेयरका उम्मेदवार इन्द्र श्रेष्ठलाई सुनसरी ३ नम्बर क्षेत्रको सभापति समेत बनाएको छ। आफु भुईबाट उठेर नेतृत्व तहमा पुगेकाले आम नागरिकहरुका समस्या आफुलाई राम्रो जानकारी भएको राष्ट्रिय प्रजातन्त्र पार्टीका अध्यक्ष राजेन्द्र लिङदेनले वताएका छन ।
सुनसरीको बराहक्षेत्र आयोजित पार्टीको आमसभालाई सम्वोधन गर्दै अध्यक्ष लिङदेनले आफु भुईबाट उठेको मान्छे भएकाले भुईका मान्छेहरुका समस्या के छन भन्ने विषय आफुले वुझेको वताएका हुन ।
अध्यक्ष लिङदेनले अन्य दलका नेताहरुले राजनितिलाइ पेशा बनाएको आरोप समेत लगाए। उनले अरु दलका नेताहरुको जस्तो जिन्दगी जिउने सोचले नभएर देश र जनताको हितमा काम गर्न आफु राजनितिमा लागेको समेत वताए । राप्रपा सुनसरीका अध्यक्ष दुर्गाबहादुर बस्नेतको अध्यक्षतामा भएको आमसभामा पुर्व भुमि सुधार मन्त्री रामकुमार सुब्बा पार्टीका महामन्त्रीद्धय भुवन पाठक र राजेन्द्र गुरुङ पार्टी प्रवक्ता ज्ञानेन्द्र शाहीले समेत सम्वोधन गरेका थिए । कार्यक्रममा विभिन्न पार्टी परित्याग गरी राप्रपामा प्रवेश गर्नेहरुलाई पार्टी अध्यक्ष लिङदेन लगायतका नेताहरुले अबिर लगाएर स्वागत गरेका थिए।
