दुहबी/ सुनसरीको दुहबीमा सोमबार बजार अनुगमनको क्रममा लाखौं मुल्यको म्याद गुज्रिएको खाधान्न तथा पेय पदार्थ जफत गरि नस्ट गरिएको छ।
दुहबीको विभिन्न पसलहरुबाट भारी मात्रामा म्याद गुज्रिएको सामानको खुलेआम बिक्री गरि ग्राहक ठग्दै गरेको पाइएको छ।
दुहबी १०स्थित बुद्ध चौकमा रहेको कृष्ण किराना पसल
बाट लेबल नभएको २० बोरा चिउरा भुजा , म्याद गुज्रिएको विभिन्न किसिमको तरकारी मसला, बिस्कुट, तोरीको तेल, यसैगरी लेबल नभएको खाधान्न घ्यु लगायतको सामाग्रीहरु जफत गरिएको थियो।
सोही ठाउँको सिद्धार्थ किराना पसलबाट म्याद गुज्रिएको पेय पदार्थ कोका कोला लगायत विभिन्न किसिमका पेय पदार्थ हरु अनुगमनको क्रममा जफत गरिएको थियो। सोही ठाउँका चांदनि किराना पसलबाट म्याद गुजरेको विभिन्न मसला , सेबैया , बिस्कुट, भुजिया, तोरि तेल लगायका खाद्यान्न सामान बिक्री वितरण गर्न राखिएको सामानलाई जफत गरि नस्ट गरिएको थियो। बजार अनुगमन गर्दा दुहबी १० का पसलेहरु भागाभाग गर्दै धेरै पसलहरु बन्द गरेर सटर डाउन गरेको दृश्य देखिएको थियो।
अनुगमनकै क्रममा दुहबीको मुख्य बजार दुहबी वडा नम्बर ३ दुहबी-इनरुवा सडक खण्ड स्थित दर्ता बिना संचालन रहेको मिलन डेरी पसलबाट ठुलो परिणाममा म्याद गुज्रिएको विभिन्न पेय पदार्थ जुस , बिस्कुट लगात खाद्यान्न सामाग्री जफत गरी नस्ट गरिएको थियो। दुहबीमा बजार अनुगमन गरि बारम्बार सामान जफत गरेर डिस्पोज मात्र गर्दा पसलेको मनोमानी बढेकाले ती पसलहरुलाई जरिवाना समेत गराए ब्यब्स्थित ढंगबाट पसल संचालन हुने र उपभोक्ता न ठगिने स्थानीयहरु बताउँछन् ।
पछिल्लो समय दुहवी बजारमा नवजात शिशुलाई खुवाईने पौष्टिक आहार देखि विभिन्न प्रकारका खाद्यान्नहरु म्याद गुज्रिएको खुलेआम बिक्री हुने गरेको पाईएपछि
दुहबी बजारमा कडा कार्वाही सहितको अनुगमनको खाचो महसुस भईरहेको स्थानीयहरुको भनाइ छ।
दुहबी बजार अनुगमन टोलिमा जिल्ला प्रशासन कार्यालय सुनसरीका प्रतिनिधि, खाद्य तथा गुण नियन्त्रण कार्यालयका प्रतिनिधि, दुहबी नगरपालिकाका प्रतिनिधी, दुहबी उद्योग बाणिज्य संघका कोषाध्यक्ष प्यारचन्द चौधरी, ईप्रका दुहबीका प्रहरीहरु संचारकर्मीहरुले अनुगमन गरेका थिए।
