दुहबी/ सुनसरीको दुहबीमा ४५ बेडको अक्सिजन सहितको आइसोलेसन सेन्टर र १५ बेडको अस्पताल आइतबारदेखि सुचारू हुने आज पत्रकार सम्मेलन मार्फत दुहबी नगर प्रमुख बेदनारायण गच्छदारले जानकारी दिएका छन्। नगर अस्पतालमा १५ वटा बेड सहित सुबिधा सम्पन्न ब्यब्स्था गरिएको नगर प्रमुख गच्छदारले जनाए।
दुहबीको नगर आधारभुत अस्पतालमा इमेर्जेन्सी, प्रयोगशाला,इसिजी, एक्सरे इन्डोर कक्ष सहित १५ वटा कोठा निर्माण गरिएको बताइएको छ। अस्पताल र आइसोलेसन केन्द्र दुहबी ८ स्थित रमपम उद्योगको पुर्बपट्टि रहेको छ। अस्पतालमा २४ घन्टे इमेर्जेन्सी सेवा, स्वास्थ्य बिमा कार्यक्रमको प्रथम बिन्दु र औषधिसमेत उप्लब्ध गराउने जनाइएको छ।
तेसैगरी ल्याब सेवा भिडियो एक्सरे सेवा र परिवार नियोजन तथा गर्भवती जाँच सेवा रहनेछ। यसकालागि एक जना विशेषज्ञ सहित तीन जना डाक्टर ११ जना स्वास्थ्यकर्मी, दुई कार्यालय सहयोगि र दुई जना सफाइकर्मी रहने जनाइएको छ। आइसोलेसन सेन्टरमा ४५ वटा बेडको ब्यब्स्था गरिनुकासाथै अक्सिजन कन्सन्ट्रेटर र अक्सिजन सिलिन्डर सेवा सहित डाक्टरहरुबाट नियमित फ्लोअप, सिसिटिभीबाट निगरानी सहित सुरक्षाको प्रबन्ध समेत मिलाइएको जनाइएको छ।
दुहबीका बिपन्न तथा सुकुम्बासी नागरिकलाई आउदो साउनदेखि स्वास्थ्य बिमा कार्यक्रममा जोड्न ६० लाख बजेट छुट्ट्याउने बताउदै मेयर गच्छदारले ४९ प्रकारको स्वास्थ्य सामाग्री शारडा ग्रुपको सहयोगमा दुहबी नगरपालिकामा आएको जानकारी दिएका छन्। आज नगरपालिकाको सभाहलमा आयोजित पत्रकार सम्मेलन मार्फत जानकारी दिदै गच्छदारले अहिले सन्चालनमा आएको नगर अस्पताल अस्थायी रुपको भएपनी दुई साल भित्रमा स्थायी रुपमै सन्चालन गरिने बताए।
दुहबी वडा नम्बर ११ मा रु २० करोड को लागतमा निर्माण हुन लागेको नगर अस्पताल भवन निर्माण सम्पन्न नहुदा सम्मको लागि अस्थायी रुपमै सन्चालन गरेर भएपनी नगरबासी लाई स्वास्थ्य सेवा प्रवाह गर्न आफू लागि परेको बताउदै गच्छदारले खासगरी नगरभित्र बसोबास गर्ने सम्पुर्ण नागरिकले सरकारले उपलब्ध गराएको स्वास्थ्य बिमा मार्फत रु १ लाख सम्म को निशुल्क उपचार सेवा लिन सबै नागरिकलाइ स्वास्थ बिमा अनिवार्य गर्न अनुरोध गर्दै नगरभित्र बसोबास गर्ने अतिबिपन्न तथा सुकुम्बासी हरुको मिहिन पहिचान गरि स्वास्थ्य बिमा र स्वास्थ्य उपचारमा सबैको सहज पहुँच पुराउन आगामी आर्थिक बर्ष को सुरु खण्ड देखि लागुहुने गरि रु ६० लाख रुपैयाको फन्ड तयार गर्ने साथै उक्त रकम हरेक वडा मार्फत वास्तविक सुकुम्बासी र बिपन्न परिवारलाई २ हजार देखि २५ सय सम्म नगरपालिकाले ब्यहोर्ने र बाकी स्वयम् बिमित ब्यक्ती ले परिवार सन्ख्याका आधारमा ब्यहोर्ने गरि स्वास्थ बिमा प्रभावकारी रुपमा अगाडि बढाउने बताए।
