दुहबी / मध्यरातमा जवरजस्ती करणी गरेको भन्दै उजुरी दिने पीडित महिलाको आफन्तलाई नै सुनसरी प्रहरीले नियन्त्रणमा लिएर मुद्दा चलाएको छ ।
सुनसरीको बर्जु गाउँपालिका ६ स्थित चिमडीमा साउन १७ गते शनिबार राति घरमा पसेर स्थानीय सञ्जय मोची (चमार)ले जवरजस्ती करणी गरेको भन्दै उजुरी दिने पीडितका आफन्तलाई ईलाका प्रहरी कार्यालय दुहवीले अभद्र मुद्दा चलाएको हो ।
प्रहरीमा घटनाबारे उजुरी दिने पीडित महिलाको श्रीमानको भिनाजु निरज चौधरीलाई प्रहरीले नियन्त्रणमा लिएर मुद्दा चलाएको स्थानीय अगुवा मञ्जु सरदारले जानकारी दिनुभयो । जबरजस्ती करणीको उजुरी दिन जाँदा पीडितको उजुरी नलिएको प्रहरीले पीडकबिरुद अभद्र ब्यवहारको मुद्दा चलाएको शनिबार विराटनगरमा पत्रकार सम्मेलन गरि पीडित पक्षले जानकारी दिएको छ ।
श्रीमान रोजगारीको लागि मलेसिया गएकोले घरमा एक्लै रहेकी महिलालाई स्थानीय सञ्जय मोचीले घरको ढोका तोडेर जबरजस्ती करणाी गरेको आरोप छ । जवरजस्ती करणाी गरेकोबारे प्रहरीमा उजुरी दिँदा उल्टै प्रहरीले धम्काउने गरेको उनीहरूको आरोप छ ।
‘साँझमा खाना खाएपछि सुतेका थियौं’ पीडित महिलाले पत्रकार सम्मेलनमा भन्नुभयो, ‘मध्यराति सञ्जयले बाँसको ढोका हटाएर घरभित्र पसेर मुख थुनेर जवरजस्ती करणी ग¥यो ।’ घर पस्नसाथ हात समातेर मुख थुनेर खुट्टाले कमरमुनीको सुरुवाल खोलेर शारिरीक सम्बन्ध कायम गरेको पीडितको भनाइ छ ।
निरन्तर रुपमा शाररिक सम्बन्ध कायम गरिरहेको बेला आफूले धकेलेर हल्ला गरेपछि घरमा रहेको सासु र ससुरासहित भिनाजुले सञ्जयलाई समातेको पीडितको भनाइ छ । मध्यरातमा घरमा पसेर जवरजस्ती करणी गर्नेलाई आफन्तको सहयोगमा समातेपछि सञ्जयको आफन्तले पीडित परिवारमाथि आक्रमण गरेको थियो । त्यसक्रममा पीडितको सासुको हातमा धारिलो हतियारले काटेको छ ।
पीडित परिवारले स्थानीय चिमडी थानामा खबर गरेर सञ्जयलाई प्रहरीको जिम्मा लगाएको थियो । तर, बर्जु ६ का वडाध्यक्ष विनोद चौधरी र स्थानीय अगुवा रेखा रामको दवावमा इप्रका दुहवीले पीडितले जवरजस्ती करणी गरेको उजुरी दिन जाँदा नलिएको पीडित पक्षको आरोप छ । प्रहरी पीडितका भिनाजुले सञ्जय र उनका बावुआमामाथि हातपात गरेको भन्दै अभद्र व्यवहारको मुद्दामा दर्ता इप्रका दुहबीले जनाएको छ ।
प्रहरीले जबरजस्ती करणीको जाहेरी लिन नमानेपछि सुनसरीको सरकारी वकिल कार्यालयमार्फत मंगलबार जाहेरी दर्ता भएको छ । सरकारी वकिल कार्यालयमार्फत जबरजस्ती करणीमा जाहेरी दर्ता भएपछि बलत्कार भएको ७ दिनपछि मात्र प्रहरीले पीडितको स्वास्थ्य परीक्षण गराएको छ ।
इलाका प्रहरी कार्यालय दुहवीका प्रहरी निरीक्षक घनेन्द्र खजुमले उजुरी दिन आएकी महिलाको बयानको आधारमा पक्राउ परेका सञ्जय विरुद्ध अभद्र व्यवहारको मुद्दा दर्ता गरेको बताउनुभयो । अर्को दिन फेरि जबरजस्ती करणी गरेको भन्दै आएपछि अर्को जाहेरी लिएर आउन भन्दा नआएर सरकारी वकिलको कार्यालय गएको प्रहरीको दावी छ ।
सञ्जयको आमालाई पीडितको भिनाजु भनिने निरजले कुटपिट गरेकाले उनलाई पक्राउ गरी अभद्र व्यवहारको मुद्दा दर्ता गरेको प्रहरीले जनाएको छ ।
