दुहबी/ सुनसरीको दुहबी ३ स्थित पेट्रोल पम्प छेउमा दुहबीका २ युवाले अदित्रि इन्टरप्राइजेज मार्वल टाइल शोरुम सञ्चालन गरेका छन् । महेन्द्र मेमोरियल एकेडेमीका संचालक निश्चलराज शाक्य र दुहबी ५ निवासी प्रहलाद बस्नेतले व्यापार विस्तार गरेका हुन् ।
चैत १६ गतेदेखि व्यावसायिक कारोबार सुरु गरेका मार्वल टाइल बिजनेसमा सफलता हासिल गर्न ७० लाख बढी लगानी गरेको शोरुम संचालक निश्चलराज शाक्यले जनाए ।
एक कार्यक्रम समारोह बीच उक्त शोरुमको समुद्घघाटन
गरिएको थियो ।
आफ्नो ग्राहकहरुलाई सुपथ मूल्यमा घर तथा भवन निर्माणमा प्रयोग हुने मार्वल टाइल बाथरुमका सामान, टायल्स र सेनिटरी सामानहरु उपलब्ध गराउने अदित्रि इन्टरप्राइजेज शोरुम उद्घाटनको अवसरमा सामान खरिदमा बिशेश छुटको ब्यबस्था गरिएको जनाइएको छ ।
पछिल्लो समय व्यापारमा मन्दी भएपछि सरकारले स्थानीय युवाको सीप क्षमता र व्यापार ब्यबसाय प्रबर्द्धन गर्न सहज हुनेगरि नीति ल्याउनुपर्ने जानकारहरु बताउँछन् ।
