दुहबी/ सुनसरीको दुहबीमा आइतवार नेपाली चलचित्रमा बिद्यार्थी दर्शकहरुको सहभागिता बिषयक अन्तरक्रिया प्रवचन कार्यक्रम समपन्न भएको छ। एक नम्वर प्रदेशभरीमा नेपाली चलचित्रप्रति नौलो जागरण ल्याउँन र नेपाली चलचित्र तथा भाषा भाषीको चलचित्र स्तरिय बनाउनकालागि बिद्यार्थीहरु बिच अन्तरक्रिया गरेर नेपाली फिल्मको राम्रो नराम्रो पक्षको वारेमा राय संकलन गरेर नेपाली चलचित्रलाइ थप स्तरिय बनाउँने उदेश्य रहेको चलचित्र निर्देशक तथा चाँदनी फिल्मस बिराटनगरका संस्थापक अध्यक्ष केशव रायमाझीले जनाए। ४ दशक देखि चलचित्र क्षेत्रमा अनुभव वटुलेका केशव रायमाझीले नेपाली चलचित्रको अवस्था स्तरिय बनाउँन दर्शकले भनेजस्तो र चाहेजस्तो चलचित्र निर्माण गर्न आफु लागिपरेको जनाए।
दुहबी ५ स्थित श्री सरस्वती माविको भवनमा भएको अन्तरक्रिया प्रवचन कार्यक्रमममा उल्लेखनीय बिद्यार्थी दर्शकहरुको सहभागिता रहेको थियो। श्री सरस्वती माविका प्रधानअध्यापक तेजप्रसाद तिम्सिनाको प्रमुख आतिथ्यतामा भएको उक्त कार्यक्रममा अतिथि बक्ताहरु वरिष्ठ चलचित्रकर्मी प्रेम सुव्वा, वरिष्ठ कलाकार पुस्प श्रेष्ठ, थारु चलचित्रका निर्माता प्रभु परमानन्द चौधरी, थारु चलचित्रका लेखक राम बिश्वास, कलाकारहरु कल्पना पाण्डे गिता कोईरालाको उपस्थीती रहेको थियो। नेपाल सरकार चलचित्र विकास बोर्ड काठमाडौंको सहकार्य तथा चाँदनी फिल्मस बिराटनगरको आयोजनामा उक्त कार्यक्रम समपन्न भएको थियो।
