दुहबी/ सुनसरीको दुहबीमा तेस्रो मेयरकप फुटबल प्रतियोगिता माघ १७ गतेदेखि हुने दुहबी नगरपालिकाले पत्रकार सम्मेलनद्वारा जानकारी दिएको छ। माघ १७ गते देखि माघ २८ गते सम्म दुहबी नगरपालिकाको आयोजनामा हुने मेयरकपमा दुहबी को १२ वटा वडाले प्रतिस्पर्धा गर्ने मेयरकपको संयोजन गर्ने एलेभेन एरोज क्लब दुहबीका अध्यक्ष दिपक राइले जानकारी दिनु भएको छ। पत्रकार सम्मेलनमा बोल्नु हुँदै दुहबी नगरपालिकाका मेयर बेदनारायण गच्छदारले ग्रासरुटबाटै स्थानीय खेलाडी उत्पादन गरि छनौट गरेर रास्ट्रिय अन्तर्राष्ट्रिय स्तरमा पुर्याउने उदेश्यले मेयरकपको आयोजना गरिएको मेयरकपको महत्त्वको बारेमा प्रकाश पार्नु हुँदै दुहबीमा चाडैं फुटबल एकेडेमीको स्थापना गर्ने बताउनुभयो । दुहबी ५ स्थित श्री सरस्वती माबिको खेल मैदानमा हुने प्रतियोगितामा प्रथम हुने वडाले उपाधी सहित १ लाख १ हजार नगद तथा शिल्ड मेडल प्राप्त गर्नेछन् भने दोस्रो हुने टिमले ५१ हजार नगद तथा शिल्ड मेडल प्राप्त गर्नेछन्।
पत्रकार सम्मेलनमा दुहबी नगरपालिकाकि उपमेयर सुनिता दाहाल शाहले शुभकामना मन्तब्य दिनुभएको थियो।
