दुहबी / सुनसरीको दुहबी नगरपालिका वडा नम्वर २, ३ र ८ मा संचालनमा रहेका ८ उद्योगले अत्याधिक प्रदुषण गरेको कारण स्थानीयहरुको स्वास्थ्यमा समस्या भएपछि स्थानिय नगरवासीहरु आक्रोशित भएका छन ।
दुहबी ८ स्थित संचालनमा रहेको रहेको पशुपती आईरन,पशुपती खाद्य तेल,सिद्धि विनायक अक्सीजन उद्योग, स्वदेशि साबुन प्रा.ली. उद्योग, पशुपती सिलप्याक उद्योग, एशियन थाई फुड रमपम उद्योग, दुहबी ३ स्थित संचालनमा रहेको जितेन्द्र चामल उद्योग , दुहबी २ स्थित रहेको मैनावती स्टिल उद्योग , प्रिमियर स्टिल उद्योगबाट अत्याधिक ध्वनी, धुवा, धुलो(कालो छाइ)प्रदुषण, दुषित पानी आदीका कारणले स्थानीय लगायत बटुवाहरुको आँखा र श्वाँस प्रश्वाँस लगायत स्वास्थ्यमा समस्या देखिन थालेको स्थानीयहरुले गुनासो गरेका छन ।
उद्योग बाट निस्किने कालो छाईले स्थानीय लगायत कोशि राजमार्गबाट मोटरसाइकल चालक, पैदल यात्रिहरुलाइ हिड्नमा समेत कठिनाई भईरहेको स्थानीय तथा गाडी चालकहरु बताउछन ।
सवारी चालकहरुका अनुसार सवारि चलाउँदा उद्योग बाट निस्केने कालो छाई अँखामा पस्दा पटक–पटक दुर्घटनाको उच्च जोखिम रहेको बताए ।
दुहबी ८ स्थित उद्योग छेउमै रहेको दुहबी नगर अस्पतालमा आउँने बिरामीहरुलाइ समेत धुवा, धुलो(कालो छाइ)प्रदुषणले सास्ती भइरहेको सेवाग्राही बिरामीहरु र अस्पताल प्रशासनका कर्मचारीहरु लगायतले दुखेसो पोखेका छन ।
उता दुहबी २ स्थित संचालनमा रहेको प्रिमियर स्टिल उद्योग बाट अत्याधिक प्रदुषण संगै रातको समयमा ध्वनि प्रदुषण गरेको कारण बालबालिका तथा हिर्दय रोगी विद्यार्थी लगायत लाई पठन पाठन तथा स्वास्थ्यमा गम्भिर खाल्को समस्या हुन थालेको स्थानीय ईस्राफिल मियाँले बताए ।
उक्त उद्योगहरुको ध्वनी, धुवा, प्रदुषण, दुसीत पानी आदीका कारणले स्थानीय हजारौं जनसमुदाय वालवालीका, वृद्धबृद्धा, पशुपन्छी, बालीनाली, खानेपानी, सामाजीक भौतीक,धार्मिक, आर्थिक लगायतमा नकारात्मक प्रभाव पारेको छ ।
उद्योगको चिम्नी, डिजल प्लान्ट फर्नेस, रोलिङ्ग भट्टी प्लान्ट लगायत वाट उत्सर्जन भएको ध्वनी धुवा कार्वन, फोहरपानीका कारण जनजिविका लागायत आम जनसमुदायमा अत्यन्तै नाकारत्मक प्रभाव परेको छ ।
संविधानत अनुकुल वातावरणमा बाच्न पाउँने हक,स्वास्थ्यको हक सम्पतीमाथीको हक अधिकार विरुद्ध उद्योगपति, उद्योग प्रशासनका कर्मचारीको दमन र दवावमा आम जनसमुदायको स्वास्थ्यमाथि खेलवाड गरेर प्रजातन्त्र, लोकतन्त्र, गणतन्त्र ,मौलिक अधिकार, नागरिक अधिकार र प्रारम्भिक वातावरणीय परिक्षण विपरित उद्योग र उद्योगिहरुलाइ कारवाही हुन नसक्नुमा मिलोमतो भएको भन्दै स्थानियहरु थप आक्रोशित छन ।
