दुहबी / सुनसरीको दुहबी ८ सोनापुरमा जारी प्रतियोगिता अन्तर्गत आज शुक्रबार भएको पहिलो सेमीफाइनल खेलमा मोरंग बेलबारीको डागीहाट फुटबल क्लबलाई सडेन डेथमा पराजित गर्दै पूर्वाञ्चल युनाइटेडले फाइनलमा स्थान सुरक्षित गरेको छ।
निर्धारित ८० मिनेटको खेलमा दुबै टिमले १–१ गोलको बराबरी खेलेपछी खेल को पेनाल्टी सुटआउटमा पनि दुबै टिमले ५–५ को बराबरी भएको थियो।सो बराबरी पछि खेलको निर्णय अनुसार सडेनडेथबाट लिइएको हो ।
त्यसअघि खेलको ९ औ मिनेटमा डागीहाटका एरोज मगरले गोल गरेर आफ्नो टिमलाई अग्रता दिलाएका थिए । खेलको ४७ औ मिनेटमा पूर्वाञ्चल युनाइटेडका असिम राईले पेनाल्टी मार्फत गोल गरेपछी खेल १–१ को बराबरीमा पुगेको थियो । डागीहाटका खेलाडी अबिष्कार क्षेत्रीले डि–एरियामा हेण्ड गरेपछी पूर्वाञ्चलले पेनाल्टी प्रहारको अवशर पाएको थियो ।
आजको खेलको म्यान अफ द म्याच आयोजक पूर्वाञ्चल युनाइडेडका गोल किपर रोशन कार्की घोषित हुदै नगद २ हजार रुपैया पाए ।
पूर्वाञ्चल युनाइटेडले उपाधीका लागि सोमबार आयोजक मेमोरी युवा क्लब र एकता युवा क्लब बिराटचौक मोरंग बिच भोली शनिबार हुने अन्तिम सेमिफाइनल खेलको बिजेतासंग प्रतिष्पर्धा गर्नेछ । प्रतियोगिता बिजेताले नगद १ लाख र उपबिजेताले ५१ हजार रुपैया पुरस्कार पाउनेछ
