सुनसरी/सुनसरीको दुहबीमा नगर स्तरीय प्रथम उप-प्रमुख महिला भलिबल प्रतियोगिताको दुहबी नगर प्रमुख बेदनारायण गच्छदारद्वारा उद्घाटन भएको छ। उदघाटन खेलको प्रमुख अतिथि रहनु भएका दुहबी नगर प्रमुख बेदनारायण गच्छदारले शुभकामना मन्तव्य दिनु हुँदै खेलकुदपनि बिकासको सुचक भएको हुँदा सम्पुर्ण खेल र खेलाडीको क्षमता अबिवृद्धि गर्दै लैजाने कुरामा आफू सचेत रहेकोले खेल र खेलाडीको संरक्षण तथा प्रबर्द्धन गर्ने कुरामा आफ्नो अहम भुमिका रहने प्रतिबद्धता जनाउनुभयो।
उदघाटन खेलको सभापति रहनु भएकि दुहबी नगर उपप्रमुख सुनिता दाहाल शाहले नगर स्तरीय उपप्रमुख महिला भलिबल प्रतियोगिता सुनसरीमै पहिलो र एतिहासिक भएकोमा खुसी प्रगट गर्नुहुँदै एस्तो प्रतियोगिताले महिलाप्रती सम्मान दर्साउने बताउनुभयो। पहिलो खेल दुहबी र इनरुवाबिच भएको थियो जसमा दुहबीले जित हासिल गरेको छ। दोस्रो खेल धरान र बराहक्षेत्र बिच भएको थियो जसमा बराहक्षेत्रले जित हासिल गरेको थियो। भोलिको पहिलो खेल रामधुनी र हरिनगरा बिच हुने र दोस्रो खेल इटहरी र बर्जु बिच हुने आयोजक दुहबी नगरपालिकाले जनाएको छ। प्रथम उप-प्रमुख महिला भलिबल प्रतियोगितामा सुनसरीका १० वटा पालिकाबिच दुहबी स्थित श्री सरस्वती माबिको खेल मैदानमा प्रतिस्पर्धा हुदैछ।
