दुहबी / सुनसरीको दुहबी नगरपालिका भित्रका ३ जना माथी मिटर ब्याजीको आरोपमा आईतबार जिल्ला प्रशासन कार्यालय इनरुवा सुनसरीमा उजुरी दर्ता भएको छ ।
दुहबी ९ घर भएकि हजरा खातुनले दुहबी ५ घर भएको सुन चांदी ब्यापारी प्रदिप रौनियार माथी मिटर ब्याजीको आरोप लगाउदै जिल्ला प्रशासन कार्यालय सुनसरीमा दर्ता नम्बर २९० उजुरी दर्ता गरेकि छिन ।
निवेदक खातुनका अनुसार ७ बर्ष अगाडी रौनियारले आफ्नो ३ कठ्ठा जग्गा राजिनामा पास गरी २ लाख लिएकोमा पटक- पटक गरी ३ लाख १० हजार आफुले बुझांँउदा समेत हाल प्रदीप रौनियार जग्गा फिर्ता गर्न अझ १५ लाख माग्ने गरेकोले उजुरी गर्न बाध्य बताईन । उनि भन्छिन आफ्नो परिवार लाई १५ लाख तिर्न मानसिक तनाब दिदै आएकोले आफ्नो परिवार थप पिंडामा परेको बताईन ।
यता दुहबी ९ घर भएकि अर्कि उजुरी कर्ता जलेतुन खातुनले जिल्ला प्रशासन कार्यालय सुनसरीमा दिएको उजुरी दर्ता नम्बर २९४ रहेको छ । उनका अनुसार आफ्नो श्रीमान मौला मियाँले १० बर्ष अगाडी १ कठ्ठा घडेरी राजिनामा पास गरेर दुहबी ६ घर भएको बैजनाथ अग्रहरी संग १ लाख लिएकोमा पटक-पटक गरी ४ लाख सावाँ ब्याज बुझाँउदा समेत हाल अग्रहरीले जग्गा फिर्ता गर्न अझ १२ लाख माग्ने गरेको बताईन
यसै गरी निवेदक दुहबी ९ घर भएकि ममिना खातुनले दिएको उजुरी जिल्ला प्रशासन कार्यालय सुनसरीमा उजुरी दर्ता नम्बर २९५ रहेको छ । उनका भनाई अनुसार ५ बर्ष अगाडी आफ्नो श्रीमानले १० धुर घडेरी राजिनामा पास गरेर दुहबी ६ घर भएको बैजनाथ अग्रहरी संग ३ लाख लिएकोमा पटक-पटक गरी ५ लाख सावाँ ब्याँज बुझाउदा समेत हाल अग्रहरीले जग्गा फिर्ता गर्न अझ १० लाख माग्ने गरेको बताईन ।
उता दुहबी ९ घर भएका जैरुदिन रैनले दिएको उजुरी जिल्ला प्रशासन कार्यालय सुनसरीमा उजुरी दर्ता नम्बर २९३ रहेको
छ । उनका अनुसार दुहबी ८ का राजकुमार साहु र सावीत्रि देबि साहु विरुद्ध मिटर ब्याजी आरोपमा उजुरी दिएको बताए । निवेदक रैनका अनुसार आफ्नो बुवा मुस्त्किम मियाँले ८ बर्ष अगाडी राजकुमार साहु र सावीत्रि देबि साहु लाई १० कठ्ठा जग्गा राजीनामा पास गरेर २ लाख मात्र लिएकोमा साहु लाई पटक-पटक गरी २६ लाख बुझाउदा समेत बुवा संग केही महिना अगाडी १५ लाखको कपालि तमसुक बनाएर हाल जग्गा फिर्ता गर्न ६० लाख बुझाउँन साहुले मानसिक दबाब दिइरहेको
बताए । पृथक नेपाल बाट साभार
