दुहबी / सुनसरीको दुहबी नगरपालिका-१० स्थित ट्याङग्रा खोलामा करेन्ट लगाई माछा मार्ने क्रममा एक जना युवकको मृत्यु भएको छ । मृत्यु हुनेमा सोही स्थानका २७ बर्षीय दुखीलाल उराव रहेका छन ।
आईतबार बेलुका साढे ६ बजे करेन्ट लगाई माछा मार्ने क्रममा घाईते भएका उरावलाई आफन्तले उपचारको लागि इनरुवा अस्पताल लगेकोमा उनको उपचारको क्रममा मृत्यु भएको हो ।
घटना सम्बन्धमा इलाका प्रहरी कार्यालय दुहबीबाट थप अनुसन्धान भईरहेको छ ।
