दुहबी / सुनसरीको दुहबी स्थित रहेको पक्कि कृषि सडकमा सो क्षेत्रमा रहेका विभिन्न उद्योगहरुका कारण करोडौको लागतमा निर्माण भएका कृषि सडक क्षती भईरहेको पाईएको छ ।
सो कृषि सडक छेउमा नव निर्माणधिन श्री राम भेनियर उद्योगले क्षमता भन्दा बढि माल बाहक गाडी ट्रक टिपरहरु जथाभाबि चलाउदा पक्कि सडक करिब १० मिटर भत्किएर क्षती भएको देखिन्छ । उद्योग लगायतको मालवाहक गाडीहरु अत्याधिक भार क्षमताका कारण ठाउँ ठाउँमा कालो पत्रे पक्की सडक क्षतिग्रस्त हुँदा समेत सरोकारवाला बेखबर रहेको भन्दै स्थानीयहरु आक्रोशित छन् ।
सो सडकमा उद्योग प्रयोजनमा भार क्षमता भन्दा बढि माल बाहाक गाडी ट्रक टिपरहरु जथाभाबि चलाउदा पक्कि सडकको ठाउँ ठाउँमा खाल्डा खुल्डी र भत्किन सुरु भएको स्थानीयहरुले बताएका छन ।
केही बर्ष अगाडी मात्र दुहबीको ६ वटा वडासंग जोडेको कृषि सडक करोडौको लागतमा निर्माण भएकोमा हाल सो सडक विभिन्न उद्योगहरुले गर्दा दुर्दशा भएको देखिन थालेको छ ।
दुर्घटनाको उच्च जोखिम रहेको सो क्षतिग्रस्त सडकमा दुर्घटना भएकोले एकजना स्थानीयको खुट्टा भाचेको भन्दै स्थानीयहरु आक्रोशित छन् ।
