कारोना पोजिटिभ भएका सुनसरी दुहवीको पत्रकार चन्दन रौनियरले ११ दिनको आइसोलेशन पश्चिात कोरानालाई पराजीत गर्दै अगामी दिनमान थप सर्तक र सुरक्षित बन्न प्रेरणा मिलेको बताएका छन । उनी सुनसरीको दुहवीवाट कोरोना संम्वन्धी समाचार अग्रपंतिमा रही समाचार संकलनकै क्रममा स्वास्थ्य अवस्था केही असमान्य लागेपछि कोरोना परिक्षण गराउँदा रिपोर्ट पोजिटिभ आएपछि प्रदेश नं. १ मोरंगको सुनदर हरैचा स्थित प्रदेश सरकारले बनाएको आइसोलेशनमा ११ दिनका बसाई पछि हिजो कोरोनालाई परास्त गरी घर फर्केको छ ।
कोरोनालाई जितेर घर फर्केपछि समाजले विभेद नगरी सम्मान गरेको भनाई रौनियारको छ । समाजमा कसैलाई कोरोना संक्रमण हुँदा समाजको हेर्ने दृष्टिकोण फरक हुन्छ भनेर सुनेको थिए तर त्यस्तो हुँदैन मैले त समाजवाट सम्मान नै पाए उनले भने।
उनी आईसोलेशनमा बसेको ११ दिन पनि सोही स्थानवाट रिपोटिङ्ग गरि रहेका थिए । साथी भाई संग नाचगान, योगा, नियमित खानपिन गरी निडर भएर दृढ इच्छा शक्ति भए कोरोनालाई पराजित गर्न सजिलो छ रौनियारको भनाई छ ।
कोरोना संक्रमण पुष्टी भएमामा आत्तिनु हुँदैन, दृढ इच्छा शक्ति, उच्च मनोबल र स्वास्थ्य कर्मीहरुले दिएका निर्देशन पालन गरेमा कोरोना अनिवार्य प्रास्त हुन्छ उनले भने । रौनियार १४ दिन होम आइसोलेशनमा बसी १५ औ दिनमा नियमित काममा फर्किने वताए ।
साथै रौनियारले भने म सङ्क्रमित भएदेखि नै मरो स्वास्थ्य अवस्थाको बिषयमा चासो र चिन्ता लिएर मेरो हौसला बढाउन लागि प्रदेश सरकारका माननिय मन्त्री तथा सासंद ज्यूहरु, नागरिक समाजका अगुवा, नेपाल पत्रकार महासंघ, प्रदेश तथा जिल्ला शाखाका सम्पूर्ण पदाधिकारी एवं अग्रज र सहकर्मी पत्रकार साथीहरु, जनप्रतिनिधिहरु, अस्पतालका सम्पूर्ण स्वास्थ्यकर्मीहरु र समाजिक संजाल फेशबुक, इमो, वाटसप, टिकटक, भाइबरको सुभचिन्तकहरु, दुहबी वडा ६ का अध्यक्ष सहितको सदस्यहरु, बिभिन्न संघठनका अध्यक्ष पधिकारीहरु,आफ्नतजनहरु सबैमा हार्दिक आभार व्यक्त गरेको छ । कोरोनाबाट कोही पनि नडराऔं, नअत्तालिऔं, सुरतक्षित र सर्तक बन्ने कोशिस गरौं भन्ने उनको भनाई छ ।
