सुनसरीको दुहबी नगरपालिकाले कोरोना भाइरसको माहामारी समुदाय स्तरमा फैलिन न दिन भोलिबाट बिहान ९ बजे देखि बेलुकी ४ बजे सम्ममात्र दुहबीको बजार पसलहरु खोल्न दिने निर्णय गरेको छ । आज भएको सर्बदलिय बैठकमा दुहबीको १२ ओटै वडाको साप्ताहिक हटिया समेत अनिश्चितकालकालागि बन्द गर्ने निर्णय गरेको हो ।
दुहबी नगर प्रमुख बेदनारायण गच्छदारको अध्यक्षतामा आज बसेको सर्बदलिय बैठकमा उद्योग कारखानाहरु स्वास्थ्यको मापदण्ड पुर्याएर खोल्नु पर्ने, मास्क अनिवार्य लगाउनुपर्ने,मास्क न लाए रु १०० जरिवाना हुने निर्णय गरिएको थियो । सामाजिक दुरि कायम न गर्नेलाई दण्ड जरिवाना गर्न अनुगमन समिति समेत गठन गरिएको थियो।
सो बैठकमा सुनसरीका प्रमुख जिल्ला अधिकारी,सुनसरी प्रहरी प्रमुख,उद्योग संगठन मोरङका अध्यक्ष लगायत दुहबीका सरोकारवालाहरुले आ-आफ्नो धारणा राखेका थिए ।
बैठकमा उद्योग संगठन मोरङका अध्यक्ष भिम घिमिरेले कोरोना भाइरस समुदाय स्तरमा फैली सकेकोले आफू लकडाउनको पक्षमा रहेकोले सुनसरी-मोरङका ६०० बढी उद्योगको मजदुरको राहतकालागि मजदुरको तलबको ३३ प्रतिशत उद्योगिले बेहोर्न तयार रहेको बताउनुहुँदै बाकी रकम सरकारले बेहोर्नुपर्नेमा जोड दिएका थिए । दुहबी नगर प्रमुख गच्छदारले समुदाय स्तरमा स्वाब संकलन गरिएकोले रिपोर्ट आएपछिमात्र थप निर्णय गर्ने बताउनु भयो ।
