दुहबी / बिहिवार देखि शुरु भएको माध्यमिक शिक्षा परीक्षा एसइई मर्यादित ढंगबाट सञ्चालन नगरेको भन्दै सुनसरीको दुई वटा परीक्षा केन्द्रका ४ जना गार्ड शिक्षकलाई निष्कासन गरिएको छ ।
जिल्ला प्रशासन कार्यालय सुनसरीका प्रमुख जिल्ला अधिकारी धर्मेन्द्र कुमार मिश्रको नेतृत्वमा खटिएको परीक्षा अनुगमन टोलीले मर्यादित तरिकाबाट परीक्षा सञ्चालन नगरेको भन्दै गढि गाउपालिका २ मा रहेको श्री सरस्वती मावी अौरावनी परिक्षा केन्द्रका २ जना निजि बिधालय बाट परीक्षा केन्द्रमा खटिएको शिक्षक गार्ड लागि निष्कासनमा गरिएका छन ।
तेसै गरी दुहबी वडा न.५ मा रहेको श्री सरस्वती मावी परिक्षा केन्द्रबाट २ जना शिक्षक लाई निस्कासन गरेका छन ।
परीक्षामा परीक्षार्थीलाई चिट चोर्न सहयोग गर्ने भन्दै १० हजारको दरले पैसा लिएको स्वयं गार्ड शिक्षकले प्रजिअ अगाडि कवुल गरेको पछि निष्कासनमा परेको परिक्षा केन्द्र अध्यक्ष तेज प्रसाद तिमिल्सिनाले बताए ।
निष्कासन गरिएको स्थानमा आईत बार देखि अर्काे शिक्षक गार्ड राखि परीक्षा सञ्चालन गर्ने प्रजिअ मिश्रको कथन छ ।
सरस्वती मावीदुहबीका केन्द्राध्यक्ष तेज प्रसाद तिमिल्सिना र कर्मचारी संजिप गुप्तालाई एकपटकको लागि सचेत समेत गराए छन । सुनसरीको परीक्षा केन्द्रका केन्द्राध्यक्षलाई सचेत गराइएको र अन्य परीक्षा केन्द्रमा शान्तिपूर्ण रुपमा आजको परीक्षा सम्पन्न भएको सुनसरी प्रजिअले जनाए ।
सुनसरी बाट मात्रै १३ हजार ६ सय ६३ बिधार्थि परिक्षा दिदै छन । त्यसै गरि सुनसरीको दुहबीका ३ परिक्षा केन्द्र बाट ५९५ जना बिधार्थिहरु सहभागी भई परीक्षा दिदैछ ।सरस्वती मा बी परिक्षा केन्द्र दुहबीमा ७ वटा निजि र १ वटा सरकारी गरी ८ वटा बिद्यालयका २५८ जना बिद्यार्थी परिक्षामा सामेल भएका छन ।भने महेन्द्र मेमोरियल को परिक्षा केन्द्रमा सरस्वती मा बी र थर्ड आइ स्कुलका जम्म १६८ जना परिक्षार्थी रहेका छन । अनुगमन टोलिमा जिल्ला प्रहरी कार्यालय प्रमुख सुमन तिमिल्सिना ,शस्त्र प्रहरी प्रमुख ,नेपाली सेना प्रमुख ,ईप्रका दुहबी प्रमुख र स्थानीय संचारकर्मीहरुसमेत रहेको थियोे |
