दुहबी/ सुनसरीको दुहबीमा भोलीदेखि दोस्रो सोनापुर गोल्डकप फुटबल प्रतियोगिता हुँने आयोजक मेमोरी युवा क्लब दुहबीका अध्यक्ष खड्गनारायण माझीले पत्रकार सम्मेलन मार्फत जनाएका छन। दुहबी ८ स्थित सोनापुर प्लटिङ्गको खेलमैदानमा हुने प्रतियोगितामा शनिबारको उद्घाटन खेल दमक फुटबल एकेडेमी, झापा र पूर्वाञ्चल युनाइटेड क्लब, मोरङबीच हुने जनाइएको छ । दुहबी नगरपालिकाको संयोजन तथा दुहबी नगरपालिका वडा नम्बर ८ को कार्यालय सोनापुरको सह–संयोजनमा हुने प्रतियोगिताको फाइनल खेल यही माघ २८ गतेका दिन हुने जनाइएको छ । एशियन थाई फुड्स (रमपम)को मुख्य प्रायोजन रहेको प्रतियोगिताको विजेताले उपाधिसहित नगद २ लाख ट्रफि मेडल हात पार्नेछ भने उपविजेताले १ लाख नगद ट्रफि मेडल प्राप्त गर्ने आयोजक मेमोरी युवा क्लब दुहबीका सचिव पंचनारायण चौधरीले जनाए।
गोल्डकप फुटबल प्रतियोगितामा सुनसरी, मोरङ, झापा, धनकुटा र उदयपुर जिल्लाका ८ वटा क्लब बिच प्रतिस्प्रधा हुँने जनाइएको छ। गोल्डकप फुटबल प्रतियोगितामा दैनिकरुपमा उत्कृष्ट खेलाडीलाइ २५ सय नगद तथा मेडल, प्रतियोगिता अवधिभरको उत्कृष्ट १ जना खेलाडीलाइ ५ हजार नगद तथा मेडल प्रदान गरिनुकासाथै प्रतियोगिता अवधिभरको उत्कृष्ट विधा तर्फ ७ जना खेलाडीलाई पुरस्कृत गर्ने जनाइएको छ। नेपालमै पहिलो रेकर्ड कायम गर्न सफल आँखा शिविर विराट आँखा अस्पतालको नेतृत्वमा यस क्लबले ब्ववस्थापन गरि १२ सय जनाको आँखाको शल्यक्रिया गरेर रेकर्ड कायम गर्न सफल भएको समेत जनाइएको छ।
