दुहबी / दुहबीको छाला उद्योग लाई सम्बन्धित निकायले २४ घण्टा भित्र सिल नगरे सडक आन्दोलन गर्ने चेतावनी दिएका छन ।
सुनसरीको दुहबी वडा नम्बर ६ मा रहेको युनाइटेड टेनराइज र एसियन लेदर छाला उद्योगबाट निस्कने अत्याधिक प्रदुषणको दुर्गन्धले बस्तीवासि विस्थापित हुनुपर्ने अवस्था आएको प्रदुषणले आजित हुँदा समेत सरोकारवाला निकायले वास्ता नगरेको भन्दै सडक आन्दोलन तथा उद्योग बन्द गर्ने चेतावनी छाला फ्याक्ट्री संघर्षले आज पत्रकार समेलन मार्फत जानकारी दिएका छन ।
सो पत्रकार समेलन मार्फत उद्योग पीडित संघर्ष समितिले सरोकारवाला निकायले वेवास्ता गरेकोले २४ घण्टा भित्र उद्योग बन्द नगराए तालाबन्दी गर्ने समेत चेतावनी दिएका छन्
अत्याधिक प्रदूषण फैलाउने उद्योग बन्द गराउन माग गर्दै आन्दोलित स्थानीयले विभिन्न निकायमा निवेदन उजुरी दिए पनि कुनै कारबाही नभएको तर उद्योग खुलेआम चलिरहेकोले स्थानीयहरु आक्रोशित हुँदै उद्योगमा ताला लगाउनुको कुनै बिकल्प नरहेको छाला फ्याक्ट्री पीडित संघर्ष समितिका सुकेन शर्माले बताए ।
स्थानीयले पटक-पटक आग्रह गर्नुका साथै दुहबी नगरपालिकाको न्यायिक समिति लगायत जिल्ला प्रशासन कार्यालय सुनसरी र पर्यटन वन तथा वातावरण मन्त्रालय कोशी प्रदेशमा निवेदन दिएको स्थानीय मो.सलमान बताउछन्
माथिल्लो निकायको आडमा उद्योग सञ्चालकले
बारम्बार लापरबाही गर्ने गरेको स्थानीय मो.सलमानको भनाई छ ।
युनाइटेड टेनराइज छाला उद्योगलाई वन तथा वातावरण मन्त्रालय कोशी प्रदेशले पत्र पठाएर वातावरणिय अध्यन (IEE/EIA) स्वीकृत नगराइ उद्योग संचालन गरेको पाइएकोले उद्योग संचालन (छाला प्रशोधन) गर्न रोक लगाउदैं वातावरणिय अध्यन (IEE/EIA) स्वीकृत गराइ मात्र उद्योग संचालन गर्न आदेश समेत गरेको छ ।
एसियन लेदर छाला उद्योगलाई वन तथा वातावरण मन्त्रालय कोशी प्रदेशले पत्र पठाएर वातावरणिय अध्यन (IEE/EIA) स्वीकृत गराइ उद्योग संचालन गर्नुपर्ने भएकोले ७ दिन भित्र उद्योगको कागज पत्र लिएर उपस्थित हुन समेत भनेको छ । युनाइटेड टेनराइज छाला उद्योग प्रशासन स्रोतका अनुसार मन्त्रालयबाट पत्र आएपछी प्रशोधन भइसकेको छाला निर्यात मात्रै गरेकोले वातावरणिय अध्यन (IEE/EIA) स्वीकृत गराएर मात्र उद्योग संचालन गर्ने जनाएको छ ।
उता उद्योग बन्द भए ४० जना मजदुर बेरोजगार हुने भन्दै कार्यरत मजदुरहरु बताउछन । सोही उद्योगमा कार्यरत मजदुर समशुल हकका भनाई अनुसार उद्योगनै बन्द गर्नु समस्याको सामाधान होइन
उद्योग बाट अत्याधिक प्रदुषण दुर्गन्ध रोक्न तिर उद्योग व्यवस्थापन तथा स्थानीय बिच समन्यमय गरेर जानू पर्छ ।
उद्योग बन्द भए ४० जना घर परिवार बेरोजगारीको चपेटामा पर्ने भन्दै सबै पक्ष लाई यस विषयमा गम्भिर भएर सोच्नु पर्ने आग्रह समेत गरेका छन ।
