दुहबी / सुनसरीको दुहवीमा छठ पूजा समिति गठन गरिएको छ । दुहवी स्थित शिव मन्दिरको परिसरमा शनिवार सम्पन्न स्थानीयको भेलाले आगामी छठ पूजाको लागि नयाँ कार्य समिति चयन गरेको हो ।
शिव मन्दिरको परिसरमा स्थानीयको भेलाले अरुण कुमार हलुवाईको अध्यक्षतामा १८ सदस्यीय कार्य समिति चयन गरेको छ । समितिको उपाध्यक्षमा कुनाल रौनियार, रानु हलुवाई, रितेष साह हलुवाई, सचिवमा ऋषि कुमार साह, कोषाध्यक्षमा चन्दन बैठा रहेका छन् । सदस्यहरुमा सन्तु हलुवाई, विजय हलुवाई, अजित हलुवाई, अजित साहु, चितानन्द पौदार, गोपाल साहु, रविन साह, राजेश मण्डल, करण अग्रहरी, अभिषेक हलुवाई, आथिस हलुवाई, अमनदिप हलुवाई, शिवा हलुवाई रहेका छन् ।
दुहवी स्थित बुढी खोला किनारमा छठ पर्व मनाउने श्रद्धालुका लागि कुनै असुविधा हुन नदिन समितिले आवश्यक कामको थालनी गरेको जनाइएको छ । छठ पूजा यहि मंसिर ३ गते र ४ गते परेको छ । प्रेम र सदभावको प्रतिकको रुपमा रहेको यो पर्व उदाउदो सूर्यलाई अर्घ दिएपछि सुरु हुने र भोलिपल्ट अस्ताउदो सूर्यलाई अर्घदिए संगै समापन हुने गर्छ । दुहवीको नदी किनारमा हरेक वर्ष हजारौं श्रद्धालु भेला भई सूर्य भगवानको पूजापाठ गर्ने गरेको छ ।