दुहबी / सुनसरीको दुहबी नगरपालिकाले सोमबार गरेको बजार अनुगमनमा दुहबीका विभिन्न वडामा रहेका बजारका अधिकांश पसल अव्यवस्थित र गैरकानूनीरुपमा सञ्चालन भएको पाइएको छ ।
बजार अनुगमनको क्रममा केहि पसल संचालकहरु शटर बन्द गरी भागेका थिए । किराना पसलमा खुलेयाम मदिरा बैच्दै गरेको फेला परेका हुन ।
नगरपालिकाको अनुगमन समितिका संयोजक एवं दुहबी नगरपालिकाकि उपमेयर मेनुका पोख्रेल खतिवडाको नेतृत्वमा दुहबी वडा नम्बर १० र ८ का बजार क्षेत्रमा गरिएको अनुगमनमा अखाद्य वस्तु,म्याद गुज्रेका सामान बिक्री गरेको, पसलको दर्ता नगरपालिकामा न भएको तथा दर्ता फेल भइ गैरकानूनीरुपमा सञ्चालन गरेको पाइएको हो ।
अनुगमनका क्रममा दुहबी १० बुद्ध चौक स्थित रहेका सिद्धार्थ किराना पसलमा म्याद नाघेको पेय पर्दाथ र म्याद न भएको खुल्ला समान बिक्री गरिरहेको पाइएकाले त्यस्ता सामान नष्ट गरि नियमानुसार सञ्चालन गर्न निर्देशन दिइएका थिए ।
तेसै गरी बुद्ध चौकका चांन्दनि किराना पसलका संचालक , बाबा किराना पसलका संचालक , सिवानी मिनि मार्टका संचालक पसलको शटर बन्द गरी भागेको अनुगन समितिले बताए ।
अनुगमनकै क्रममा दुहबी १० स्थित नहर चौक स्थित रहेको शुभम किराना पसलमा म्याद गुज्रेका बिस्कुट ठूलो मात्रमा फेला परेका छन
सोही चौक स्थित रहेका कौशल किराना पसलमा ठुलो मात्रामा मदिरा खुलेयाम बेच्ने गरेको फेला परेका हुन ।
अनुगमकै क्रममा सो पसलका संचालक लाई उपमेयर खतिवडाले गैरकानूनी काम नगर्न कडा निर्देशन दिनु भएको छ । अनुगमनका क्रममा फेला परेका त्यस्ता पदिरा तथा पेय पदार्थ लाई नष्ट गरिएको थियो ।
म्याद गुज्रेका समान भेटिएकाले त्यस्तो सामान बिक्री वितरण नगर्न टोलीले निर्देशन दिएको हो । केहि पसलहरुमा खरिद मूल्यको सबै बिलहरु न भेटिएको र उपभोक्तालाइ बेचिएको बिक्री मूल्यको बिल समेत भेटिएको थिएन । बिक्री मूल्यको बिल न भेटिदा धेरे गुना मुनाफा लिएको हुँन सक्ने जानकारहरु बताउँछन ।
त्यस्तै,अनुगमनकै क्रममा दुहबी ८ स्थित कदम गाछीमा धिरज भगतले संचालन गरेको धिरज किराना पसलमा आफैले प्याकिङ गरेको सामानमा लेबल नभएको तथा म्याद नाघेको सामान भेटिएकाले त्यस्ता सामानको प्याकेजिङमा लेबल र मूल्यसूची राखेर व्यवस्थित गर्न अनुगमन समितिले निर्देशन दिएका हुन ।
गदम गाछीमा रहेका युवराज किराना पसल दर्ता बिनै गैर कानुनी रुपमा पसल संचालन गरेको फेला परेका हुन ।
पसल दर्ता तथा रिन्यू गर्न, मूल्यसूची राख्न र अखाद्य सामान हटाउन सुझाव दिएको अनुगमन समितिका सदस्य दुहबी नगरपालिकाका प्रशासन अधिकृत डिक बहादुर कटुवालले बताउँनुभयो।
बजार अनुगमनमा खाद्य प्रविधि तथा गुण नियन्त्रण डिभिजन कार्यालयका प्रतिनिधि सिजन जोशी, जिल्ला प्रशासन कार्यालय सुनसरीका प्रतिनिधि ,दुहबी नगरपालिकाका कर्मचारीहरु , उद्योग वाणिज्य संघ दुहबीका अध्यक्ष , नेपाल प्रहरी , सञ्चारकर्मीहरु समेतले बजार अनुगमन गरेका थिए ।
