दुहबी / सुनसरीको दुहबीमा खानेपानी समिति राजनीतिको अखाडा बनाउदा शुद्ध सफा खानेपानीको समस्या ज्युँका त्युँ रहेको देखिन्छ ।
सुनसरीको दुहबीमा जनताको घर- घरमा शुद्ध सफा खानेपानीको अपुग भएको बेला खानेपानी मुल उपभोक्ता समितिका पदाधिकारी चुनावी चहलपहलमै व्यस्त भएको देखिन्छ ।
खानेपानी मुल उपभोक्ता समितिमा दुहबीका राजनीतिक दलहरु मुख्य पदहरु हत्याउन लागि परेको
देखिन्छ ।
अहिले दुहबीमा मुख्य राजनीतिक दल एमाले र नेपाली काङ्ग्रेस बिच मुख्य पद हत्याउन आफ्नो आफ्नो दाउँपेच लगाउन दौड धुप गरिरहेको देखिन्छ ।
उता राप्रपा र समाजवादीले दुहबी खानेपानीको चुनावमा एमाले र नेपाली काङ्ग्रेस लाई टक्कर दिन सहकार्य गरेर जाने स्रोतको दाबी
छ।
यता दुहबी खानेपानी मुल उपभोक्ता समितिको मुख्य पद हत्याउन राजनीतिक दलका केही ठुला ठुला नेताहरु पुर्वका महंगो होटेलहरुमा मिटिङ र पाटी गरेर पद हात पार्ने दाउँपेच गरिरहेको स्रोतले बताए ।
उता खानेपानी मुल उपभोक्ता समितिको बिगत लामो समय देखि निर्वाचन हुन नसके पछि गत दुहबी नगरपालिकाको आदेश अनुसार गत १४ गते निर्वाचन कार्यतालिकाको सार्वजनिक सुचना प्रकाशन गरे पछि चुनावी माहोल तातीएको देखिन्छ ।
खानेपानी मुल उपभोक्ता समितिको हुन लागेको निर्वाचनमा पुनः पद हत्याउने दाउँपेचमा खानेपानी समितिका बर्तमान कोषाध्यक्ष तथा दुहबी ३ का वडा अध्यक्ष माधव भण्डारी लागि परेको स्रोतले बताएको छ ।
सो खानेपानीमा बिगत लामो समय देखि आफू खुशी कर्मचारी भर्ना देखि लिएर आर्थिक हिनामिना समेत भईरहेको स्थानीयहरुको आरोप रहेको छ ।
