दुहबी / सुनसरीको दुहवीमा शनिवार दुहवी रन प्रतियोगिता तेस्रो संस्करण सम्पन्न भएको छ
दुहवीमा दुहवी जेसीजको आयोजना तथा दुहवी नगरपालिकाको संयोजनमा आज बुधवार स्वास्थ्यका लागि दौड नाराका साथ तेस्रो संस्करणको दुहवी रन प्रतियोगिता सम्मपन्न भएको हो ।
तेस्रो संस्करणको दौड प्रतियोगितामा सुष्मा चौधरीले सभापतिको आशन गनुभएको थियो भने प्रमुख अतिथिमा दुहवी नगरपालिकाका नगर प्रमुख वेद नारायण गच्छदार रहनुभएको थियो ।
दुहवी जेसीजको आयोजनामा भएको दौड प्रतियोगितामा खुल्लातर्फ १० कि.मी.को दौडमा १२५ जना, महिलातर्फ ५ कि.मी.को दौडमा ३० जना तथा १२ वर्ष मुनि ११५ जना प्रतियोगीहरुको सहभागी रहेको थियो ।
दुहवी वडा नं. ५ स्थित रहेको श्री सरस्वती मा.वि.को खेलमैदानबाट शुरु भएको प्रतियोगिता दुहवी चोक, सोनापुरचोक, जुटमिल हुँदै पूर्ण श्री सरस्वती मा.वि.को खेलमैदानमा आएर समापन भएको थियो ।
प्रतियोगितामा खुल्लातर्फ गजेन्द्र राई प्रथम, मोहन देव जोशी दोस्रो र श्रीकाश राई तेस्रो भएका छन् । उनीहले क्रमश नगद २१ हजार १ सय , १५ हजार १ सय र ११ हजार १ सय रुपैयाँ प्राप्त गरेका छन् । यस्तै महिलातर्फ छेन्वीमाया राई प्रथम, अन्शु कुमारी मण्डल दोस्रो र जमुना लिम्बु तेस्रो भएका थिए उनीहरुले क्रमश नगद ११ हजार १ सय, ६ हजार १ सय र ३ हजार १ सय प्राप्त गरेका छन् ।
यस्तै १२ वर्ष सम्मका तर्फ सिजन खत्री प्रथम, सचिन वि.क. दोस्रो र आङदावा शेर्पा तेस्रो भएका छन् । उनीहले क्रमश नगद ५ हजार १ सय, २ हजार १ सय र १ हजार १ सय रुपैयाँ प्राप्त गरेका छन् ।
दुहवी रन प्रतियोगिताको विजयीहरुलाई दुहवी नगरपालिकाका प्रमुख वेद नारायण गच्छदारले पुरस्कार वितरण गरेका थिए । उक्त कार्यक्रमको संयोजकमा दुहवी जेसीजका शंकर मण्डल रहनुभएको थियो भने कार्यक्रम संचालन दुहवी जेसीकी महासचिव मिना श्रेष्ठले गरेकी थिइन् ।
यस प्रतियोगिताको सहयोगी संस्थामा ब्लाक ओक, सुप्रिम इन्डस्ट्रिज प्रा.लि., सुनसरी सामुदायिक अस्पताल दुहवी, महेन्द्र मेमोरीयल एकेडेमी , नोवेल कम्प्युटर सेन्टर दुहवी र गुड लाइफ बेभरेज रहेको थियो भने मिडिया पार्टनरमा स्वतन्त्र खबर, कोचिला खबर, उदघोष दैनिक, लगायत मिडियाहरु रहेका थिए ।
