दुहबी / सुनसरी जिल्लामा भर्खरै मात्र सरुवा भएर आएका प्रहरी प्रमुख नायव निरीक्षक एसपी सन्जयसिंह थापाले आइतबार जिल्ला प्रहरी कार्यालय सुनसरीको सभाहलमा जिल्लाका पत्रकारहरुसँग भेटघाट तथा अन्तरक्रिया कार्यक्रम गरेका छन् ।
कार्यक्रममा बोल्दै एसपी थापाले कानुन कार्यान्वयनमा कुनै पनि कम्प्रोमाइज नगर्ने,बोलेर भन्दा काम गरेर देखाउने आफ्नो कार्यकालमा अपराध अनुसन्धानमा कुनै पनि पक्ष सँग नझुकेर कार्वाही गरेर छाड्ने प्रतिबद्धता व्यक्त गरेका छन्।
जिल्ला प्रहरी कार्यालय सुनसरीमा गरिएको पत्रकारहरु सँग छलफल तथा परिचयात्मक कार्यक्रममा बोल्दै प्रहरी प्रमुख थापाले सुनसरी जिल्लामा आएर आफु टुलुटुलु हेरेर नबस्ने र कानुन कार्यान्वयन नगर्ने लाई कारबाही गरेर देखाउने बताए ।
थापाले आफुले कुनै खास छुट्टै योजना नबनाएको जनाउँदै नेपाल प्रहरीको कार्ययोजना लाईनै लागु गर्ने बताए । जिल्लामा केही ठाउँमा तस्करी र ,जुवातास र लागूऔषध सेवन होटलहरुमा हुने यौन धन्दा लगायतको कारोबार भएको भन्दै त्यसलाई रोक्न कुनै कसुर बाँकी नराख्ने बताउदै जिल्लामा हुने शान्ती सुरक्षा, अपराध नियन्त्रण, लागुऔषध ओसारपसार, महिला हिंसा, झैझगडा अन्त्य गर्न पत्रकारहरुसँग समेत सहकार्य गरेर अगाडी बढ्ने बताउनु भयो ।
परिचयात्मक कार्यक्रममा पत्रकाहरूले कसैको दबाब र प्रभावमा नपरी काम गर्न जिल्ला प्रहरी प्रमुख थापालाई सुझाव दिएका थिए । शान्ति सुरक्षाका हिसाबले सुनसरी संवेदनशील जिल्ला भएको भन्दै पत्रकारहरूले कसैको प्रभाव र दबाबमा नपरेर शान्ति शुरक्षामा थप मजबुत बनाउन थापालाई अनुरोध समेत गरेका थिए ।
जिल्ला प्रहरी कार्यालय सुनसरीमा सरुवा भएर आउनु भएको एसपी थापाले पत्रकार र प्रहरी बीचको सम्बन्ध नङ र मासुको जस्तो भएको बताउदै सुचना खाेजी र प्रवाह गर्ने विषयमा पत्रकारहरुलाई सहज तरिकाले सुचना उपलब्ध गराउने प्रतिबद्धता समेत थापाले गर्नु भयो।
परिचयात्मक कार्यक्रममा सहभागि पत्रकारहरुले सुनसरीमा लागु औषध नियन्त्रण, ट्राफिक व्यवस्थापन, चोरी नियन्त्रणसँगै जिल्लामा शान्ति सुरक्षा प्रदान गर्नु प्रहरीले सबै सँग सहकार्य गर्दै जान सुझाव दिएका छन्।
पत्रकारहरुले सुझाव दिदै भने जिल्लामा दुव्र्यशनीले विकराल रुप लिदै गएकोले प्रहरी प्रशासनलाई न्युनीकरणको लागि कडाई गर्न, खुल्ला सिमानाकाले कर छली भइरहेको र ढुकुटी कारोवारले सुनसरी बद्नामी हुदै गएकोले प्रहरीलाई निगरानी बढाउनु पर्नेमा जोड दिएका थिए ।
कार्यक्रममा जिल्ला प्रहरी कार्यालयका प्रहरी निरिक्षक सन्जयसिंह थापा, प्रहरी उपरीक्षक नगेन्द्र कार्की, पत्रकार महासंघका अध्यक्ष जनकऋषि राई लगायतका पत्रकारहरुको उपस्थिति रहेको थियो ।
