दुहबी /कुनै राजनीतिक दलको संगठनमा आवद्ध नभइ स्वतन्त्र रूपमा पत्रकारिता गर्दै आएका पत्रकारहरूको संगठन स्वतन्त्र पत्रकार संघ सुनसरीले शनिबार पहिलो साधारण सभा सम्पन्न गरेको छ ।
सभाले पुरानै तदर्थ समितिलाइ पुर्णता दिदै ११ जनाको नयाँ कार्यसमिति गठन गरेको छ । जस अनुसार अध्यक्षमा खगेन्द्र जंग कार्कि , उपाध्यक्ष अकवर अलि , सचिवमा तेज बन , कोषाध्यक्षमा युनिसा राइ र सदस्यहरूमा दुर्गा दंगाल , बिवेक राजधामि , राम प्रसाद आचार्य , सुरेन्द्र चौधरी , बलराम मेहता , प्रतिभा चौधरी रहेका छन ।
इटहरीस्थित राधाकृष्ण मन्दिरको सभाहलमा सम्पन्न कार्यक्रममा बिशिस्ट अतिथी नेपाल पत्रकार महासंघ सुनसरीका अध्यक्ष अमर खडकाले पत्रकार समाजको ऐना रहेकोले कसेसंग वा कुनै दल संग आवद्ध नभइ निडर भएर पत्रकारिता गर्नुपर्ने बताए ।
पत्रकारहरू समाजको मात्र नभइ देशका जनता र सरकारलाइ प्रत्यक्ष जोडने साझा पुल रहेको कारण निष्पक्ष समाचारमा जोड दिनुपर्ने उनको भनाइ थीयो । त्यस्तै अर्का बिशिस्ट अतिथि इलाका प्रहरी कार्यालय इटहरीका प्रहरी प्रमुख डिएसपि अर्जुन केसिले पत्रकारहरू राजयको चौथो अंग रहेकोले सुचनाको हकमा प्रहरीले गर्नुपर्ने र पुर्याउनुपर्ने सहयोगबाट आफु पछि नहटने प्रतिवद्धता जनाए ।
त्यस्तै कार्यक्रमका प्रमुख अतिथि इटहरीका सकृिय समाजसेवि तथा शिक्षा विद बिश्व प्रसाद रिजालले कुनैपनि दलगत संगठनमा आवद्ध नभइ स्वतन्त्र पत्रकारिता गर्नु आफैमा चुनौ बनिनु सरह रहेको बताउनुभयो । उहाले दलगतका संगठनमा आवद्ध पत्रकारहरूको कारण पत्रकारिता जगत धमिलिदै गउको र यसलाइ चिर्नका लागि स्वतन्त्र पत्रकारहरू एक जुट हुनुपर्नेमा जोड दिनुभयो ।
कार्यक्रममा संघका सचिव तेज बनले आफुलाइ स्वतन्त्र पत्रकार हो भनेर समाजमा स्थापित गराउन २ वर्ष लागेको प्रतिवेदन सुनाए । संस्था गठन भएदेखि अहिले सम्म प्रभावकारी कार्यहरू गर्न नसकेपनि सामाजिक क्षेत्रमा भने सकृिय भएर काम गरेको बताए । उनले दलगत संगठनमा बिभाजन भएका पत्रकार तथा सञ्चारगृहका कारण आफु र संस्थालाइ स्वतन्त्र भनेर चिनाउन लामो समय लागेको पिडादायिक प्रतिवेदन पेश गरेका थीए ।
स्थानिय स्तरमा कुनै प्रभावकारी कार्यक्रम ल्याउन सम्बन्धित नगरपालिका तथा निकायहरूमा प्रस्ताव लिएर जादा सुरूमै कुन पार्टिको हो भनेर साेध्ने गरेकाे र स्वतन्त्र त हुदै हुदैन भनेर खिल्ली उडाएको तितो यथार्थ सुनाए । त्यस्तै संस्थाका सुनसरी अध्यक्ष खगेन्द्र जंग कार्कीले सुनसरीमा ।सथा स्थापना भएदेखि अहिले सम्म गरेको प्रगति विवरण प्रतिवेदन सुनाएका थीए ।
कार्यक्रम स्वतन्त्र पत्रकार संघ सुनसरीका अध्यक्ष खगेन्द्र कार्किको सभापतित्वमा सम्पन्न भएको थीयो । कार्यक्रममा स्वतन्त्र पत्रकार संघ नेपालका केन्द्रिय कोषाध्यक्ष सालिग्राम पाण्डे , केन्द्रिय सदस्य मोहन ढकाल , प्रेम गिरी , सुनसरी उपाध्यक्ष अकवर अलि लगायतले बोलेका थीए ।