दुहबी / सुनसरीको दुहबी १० स्थित सिमरीयामा रहेको श्री जनप्रिय बचत तथा ऋण सहकारी संस्थाको १४ औं साधारण सभा शनिबार सम्पन्न भएको छ् ।
संस्थाले आफनो वार्षिक साधारण सभालाई बिगत वर्षहरुमा भन्दा फरक ढंगबाट सम्पन्न गरेको छ ।
साधारण सभामा संस्थाका अध्यक्ष अर्जुन कुमार बहरदारले बार्शिक आय ब्यय प्रतिबेदन प्रस्तुत गर्नु हुँदै यस वर्ष कोरोना भाइरसको महामारीका कारण सदा झैं साधारण सभा गर्दा मानव स्वास्थमा जोखिम हुने भएकोले सहकारी बिभागको सूचना तथा छाता संगठनको निर्देशिकाका आधारमा संस्थाले “महामारीमा साधारण सभा सञ्चालन सम्वन्धि कार्यविधि–२०७७” निर्माण गरी साधारण सभा सम्पन्न गरेको बताउनुभयो।
साधारण सभामा प्रमुख अतिथि दुहबी १० का वडा अध्यक्ष लधुराम माझि र बिशिस्ठ अतिथी स्वतन्त्र पत्रकार संघ नेपालका सुनसरी उपाअध्यक्ष अकबर अलिले शुभकामना मन्तव्य दिनु हुँदै श्री जनप्रिय बचत तथा ऋण सहकारी संस्थाकले समाजमा गरेको योगदानको बिषयमा चर्चा गर्नुहुँदै सहकारीले गरिबी निबारणमा सहयोग पुग्ने बताउनु भयो।
सो कार्यक्रममा ऋण उप समितीका सदस्य अशोक साह संस्थाकि सदस्य संगिता खड्गि लेखा सुपरीवेक्षक समितिका सदस्य केशव थापा , भुपेन्द्र तबदार व्यवस्थापक प्रमुख सुरेश कुमार चौधरी लगायतले मन्तव्य राखेका थिए ।
साधारण सभामा संस्थाका सदस्य गणेश मन्डलले स्वागत मन्तव्य दिनु भएको थियो भने कार्यक्रम उदघोषण संस्थाका उपाध्यक्ष मोहन चौधरीले गर्नु भएको थियो।