दुहबी / पशुपति आइरन उद्योग व्यवस्थापन र आन्दोलनरत पक्ष मनिस राईको संयोजकमा ३ सदस्य बार्ता समिति गठन गरी भोली बाट उद्योग संचालन गर्ने सहमती भएको संयोजक मनिस राईले जानकारी दिएका हुन ।
राईका अनुसार बार्ता समितिमा काशिराम साह र मुस्ताक मिया रहेका छन । आज भएको पहिलो चरणको बार्तामा पशुपति आइरन उद्योग व्यवस्थापन र आन्दोलनरत पक्ष बिच ६ बुदे सहमतीको साथ भोलि देखि उद्योग संचालन गर्ने सहमती भएको बताए ।
६ बुंदे सहमतिमा उद्योगले तत्काल धुवाँ धुलो न्यूनीकरण गर्ने कार्यहरु-:
१. अत्याधिक धुवाँ निकाल्ने स्क्राईब सामानहरुलाइ छुट्टाइ चलाउने।
२.मेल्टिङ गर्दा उप्युक्त मात्रामा सामानहरु राखि मेल्टिङ गर्ने।
३.फिल्टर हाउसको फिल्टरिङ गर्ने।
४.एक महिना भित्र सक्सन हाउसको साइज बढाउने।
५.एयर ड्रायर जडान गर्ने।
६.६ महिना भित्रमा अत्याधिक धुवा निस्किने समय दिशा,आदिको अध्यन गरि तथ्यांक सन्कलन गरि विज्ञय टोलिलाई उपलब्ध गराइ सिस्ट्म अप्डेट गर्ने।
सुनसरीको दुहबीमा अत्याधिक धुलो, धुँवा प्रदूषण गरेको भन्दै दुहबी ८ सोनापुर स्थित रहेको पशुपती आईरन एण्ड स्टिल उद्योगको मुल गेटमा प्रदर्शन गर्दै स्थानीयहरुले उद्योग घेराउ गरेका थिए । सम्बन्धित सरोकारवालाहरु मौन रहेको भन्दै स्थानीयहरु आक्रोशित भएका थिए । स्थानियहरुले सो उद्योग बाट निस्केका धुलो, धुँवा र फलामको स–साना कणहरुले आँखा रफोक्सोको समस्या देखिन थालेको बताएका थिए ।
उद्योगले क्षमता बढाएर उद्योगबाट निस्किएको प्रदूषणले सर्वसाधारण मर्कामा परेको भन्दै स्थानीयहरु आक्रोशित भएका हुन् । उद्योगबाट निस्केको प्रदूषणका कारण आसपासका बस्तीका बासिन्दा केही महिना देखि हैरान छन् ।
उद्योग प्रदूषण नियन्त्रणका लागि सरोकारवाला निकाय गम्भीर नभएको स्थानीय बासिन्दाले गुनासो गरेका छन् ।
उद्योग उत्पादन प्लान्टबाट निस्केको धुलो स्थानीयको घरभित्र पस्ने गरेको छ । धुलोका कारण स्वास्थ्यमा असर परिरहेको र बस्तीमा बस्नै नसक्ने स्थिति उत्पन्न भएको गुनासो स्थानीयको छ । सर्वसाधारणले उद्योग सञ्चालक,प्रशासन र सरोकारवाला लाइ पटक–पटक प्रदूषणबारे ध्यानाकर्षण गराए पनि त्यसको सुनुवाइ कसैले नगरेको गुनासो रहेका थिए ।
