जुगेश दास
सुनसरी । बिराटनगरस्थित मकालु एभरेष्ट हस्पिटलमा अब भारतका ख्यातिप्राप्त वरिष्ठ फिजिसियन डाक्टर बिमलेश यादवको सेवा उपलब्ध हुने भएको छ। डाक्टर यादवले भारतको प्रसिद्ध अखिल भारतीय आयुर्विज्ञान संस्थान (AIIMS) बाट आन्तरिक चिकित्सा (Internal Medicine) मा एमडी गरेका छन्।
हस्पिटलका प्रमुख कामकालु एभरेष्टर्यकारी अधिकृत सन्तोष मेहताका अनुसार, डाक्टर यादवले OPD, IPD, ICU लगायतका सेवाहरू प्रदान गर्नुका साथै मुटु, फोक्सो, मृगौला, कलेजो, स्नायु, बाथ, सुगर/मधुमेह, थाइराइड, रक्तचाप र संक्रामक रोगका उपचारमा विशेष ध्यान दिनेछन्। उनका सेवाहरू २४ सै घण्टा उपलब्ध हुने जनाइएको छ।
डाक्टर यादवले बीपी कोइराला स्वास्थ्य विज्ञान प्रतिष्ठान धरानबाट एमबीबीएस पूरा गरेका हुन्। उनले AIIMS (भारत) मा पूर्ण छात्रवृत्तिमा आन्तरिक चिकित्सा विषयमा विशेषज्ञता हासिल गरेका छन्। हाल मकालु एभरेष्ट हस्पिटलमार्फत बिरामीहरूलाई अत्याधुनिक उपचार सेवा उपलब्ध गराउने उद्देश्यका साथ आफ्नो सेवा विस्तार गर्न लागेको उनले बताएका छन्।
यस पहलले बिराटनगर क्षेत्रका बिरामीहरूलाई विशेषज्ञ सेवामा सहज पहुँच दिलाउने विश्वास गरिएको छ।
