दुहबी / सुनसरीको गढी गाउँपालिकाको नवनिर्मित प्रशासनिक भवनको बुधबार संघीय सरकारका महिला, बालबालिका तथा जेष्ठ नागरिक मन्त्री भगवती चौधरीले उदघाटन गर्नुभएको छ । मन्त्री चौधरीले स्थानीय तहको संरचना कायम भएको ६ वर्षपछि गाउँपालिका स्थानीयले नवनिर्मित प्रशासनिक भवनबाट सेवा लिन पाउनेगरी भवन उद्घाटन गरेको हो ।
मन्त्री चौधरीले उदघाटन कार्यक्रमलाई सम्बोधन गर्दै नागरिकको काम छिटोछरितो र झन्झटरहित बनाउन भौतिक पूर्वाधारको पनि योगादन रहने भएकाले नवनिर्मित प्रशासनिक भवनबाट कर्मचारीसँगै सेवाग्राहीलाई पनि लाभ मिल्ने बताएका छिन ।
सो कार्यक्रममा दुहबी नगर प्रमुख वेदनारायण गच्छ्दार ,गढी गाउँपालिका अध्यक्ष आशनारायण चौधरी, उपाध्यक्ष अनिताकुमारी साह, सुनसरी प्रहरी प्रमुख , गाउँपालिकाका वडाध्यक्षहरु लगायत जनप्रतिनिधिको उपस्थिति रहेको थियो
गाउँपालिकाका प्रमुख प्रशासकीय अधिकृत त्रिलोचन न्यौपानेका अनुसार भवनमा बैठक कक्षसहित कार्यालयका आवश्यक कोठा रहेका छन् । ३ करोड ७५ लाखको लागतमा भवन निर्माण भएको बताएका छन ।
