दुहबी / नेपाली काँग्रेसको भात्री संगठन नेपाल मुस्लिम संघ दुहबी नगर समितिको प्रथम अधिवेशन आज सम्पन्न भएको छ। दुहबी नगर सभापति वेदनारायण गच्छादारको अध्यक्षतामा र प्रदेश संसद तथा मुस्लिम संघ कोशी प्रदेस सभापति हाजि इस्राइल मन्सुरीको प्रमुख आतिथ्यमा दुहबीको साह सेवा समिति भवनमा निसरुल मलिकको नेतुत्वमा ३७ सद्स्य नगर समिति सर्वसम्मतले चयन भएको दुहबी कांग्रेसले जनाएका छन ।
आयोजित अधिवेशनमा मुस्लिम संघ दुहबीको नगर सभापति मा म . निसरुल मलिक उप सभापतिमा रहमत मिया र तैयब मिया , सचिवमा नौसाद रैन र मास्टर सबिर, सह सचिवमा जाबुल मिया र मुस्लिम मिया, कोषाध्यक्षमा गुजरी खातुन सदस्यमा जाकिर मिया हैदर अलि ईज्रायल मिया लगायत ३७ जना सर्वसम्मत चयन भएका छन्।
चयन भएका सबै पदाधिकारीलाइ प्रमुख अतिथि , बिशिष्ट अतिथि लगायतले खादा तथा अबिर लगाएर सम्मान गरेका थिए। प्रमुख अतिथि मन्सुरिले नव निर्वाचित पदाधिकारी हरुलाइ बधाइदिदै मुस्लिम समुदायको रमजान पर्वको शुभकामना दिए। उनले , रमजानको अन्तिम दिन इदको बेला एस इइ परिक्षा तालिका परेको हुदा उक्त समय मुसलमान बिद्यर्थी हरुलाइ परिक्षा मा सरिक हुन समस्या परेको र परिक्षा तालिका सार्न पुनर्बिचार गर्न प्रदेश सरकार , संघिय सरकार लाइ ध्यानाकार्षण पत्र बुझाइसकेको हुदा मुस्लिम संघले तालिका नसच्याए आन्दोलन गर्न बाध्य हुने भन्दै सबै मुस्लिम समुदायलाइ तयार रहन आग्रह समेत गरे।
कार्यक्रमका अध्यक्ष एबम नगर सभापति तथा नगर प्रमुख वेद नारायण गच्छादारले दुहबी नगरपालिकामा थारु पछिको दोश्रो ठुलो जनसंख्या रहेको मुसलमान समुदायहरु शिक्षा क्षेत्रमा निकै पछाडी रहेको भन्दै संविधानको मौलिक हक सम्बन्धी ब्यावस्था अनुसारको अधिकार लिन र अन्य समुदाय जस्तै देशको हरेक संबैधानिक अंगमा आफ्नो सहभागिता कायम गर्न शिक्षा नै महत्वपुर्ण पाटो भएकोले शैकिक क्षेत्रमा सन्ततिलाइ अगाडि बढाउन आग्रह गरेका छन्
आफु स्थानिय सरकार प्रमुख भएकोले पनि पालिका भित्र बसोबासगर्ने जुनसुकै समुदाय भएपनि बिभेद नगरी लघु उद्यम, शैक्षिक सुधार, स्वास्थ्य, खेलकुद , लगायतको क्षेत्रमा सबै समुदायलाइ अगाडि बढाएको जिकिर गर्दै पछिल्लो समय दुहबीका मुस्लिम समुदायका युवा युवतीहरु लघु उद्यम र प्राबिधिक शिक्षा तर्फ उल्लेखनिय सहभागि हुन थालेको प्रति आफु हर्षीत भएको उनले जनाए । उनले भने, ” मुस्लिम संघ जातिय संगठन हैन, यो काङ्रेसलाइ मजबुद गर्ने र अधिकार प्राप्तिको अगुवाइ गर्ने संघ भएकोले सक्षम , बिद्वान युवा युवती हरु अब अगाडि बढ्नु पर्छ। ”
कसैलाइ गालिगरेर होइन, संगठनमा काम गरेर आफ्नो भुमिका खोज्ने हो, म मेयर हुन्छु भनेर हल्ला फिजाउने तर पार्टीमा शुन्य काम गर्ने हरुको अब समय नभएको भन्दै उनले हालका युवायुवती हरु नेता भन्दा राजनिति बुझ्न सक्ने भएको हुदा समय अनुसार आफु परिवर्तन नभए जनताले नेता नमान्ने स्थिति आउन सक्ने उनको दाबी थियो।
क्षेत्रीय सभापति मेहेदी हुसैनले नेपाली कांग्रेस दुहबीमा मुस्लिम संघको ठुलो भुमिका रहने र वडा स्तर सम्म गठन गर्न आग्रह गरे। क्षेत्रीय कोषाध्यक्ष मुस्तकिम मियाले सुनसरी क्षेत्र नम्बर ३ को लागी आसा र भरोशाको रुपमा उदयमान नेताका रुपमा र भाबी सम्भावनाका नेताका रुपमा वेद गच्छादारलाइ हरेक जनले स्थापित गरीसकेको हुदा मुस्लिम संघ दुहबीले यस्लाइ साथ सहयोग दिने बिस्वास लिएको बताए।
नेपाली काङ्ग्रेसकि उपसभापति तथा दुहबी नगर उप प्रमुख मेनुका खतीवडाले नवनिर्वाचित सम्पुर्ण पदाधिकारी लाइ बधाइ दिएकी थिइन्।
