।
दुहबी / जिल्ला प्रशासन कार्यालय सुनसरीले होली पर्वमा इच्छा विपरीत कसैलाई रंग लगाए कार्वाही गर्ने चेतावनी दिएका छन् । रङको पर्व फागु पुर्णिमा (होली) पर्व मर्यादापुर्वक मनाउन जिल्ला प्रशासन कार्यालय सुनसरीले आग्रह समेत गरेका छन् ।
जिल्ला प्रशासन सुनसरीले गत सोमबार एक सूचना जारी गर्दै रङको पर्व फागु पुर्णिमा (होली) पर्वको जिल्ला बासीहरुमा शुभकामना व्यक्त गर्दै मर्यादापुर्वक शान्त वातावरणमा पर्व मनाउन आग्रह गरेका हुन ।
चाडपर्व मनाउने नाममा कसैको इच्छा विपरीत रंग लगाउने, लोला हान्ने, पानी तथा हिलो छ्याप्ने, नमेटिने रंग लगाउने, मादक पदार्थ तथा नशालु पदार्थ खुवाउने एवं मादक पदार्थ सेवन गरी सवारी साधन चलाउने, जिस्काउने, सार्वजनिक स्थलहरुमा होहल्ला गर्ने, चर्को आवाजमा बाजा (डिजे) बजाउने जस्ता अवाञ्छित क्रियाकलापहरु तथा कुनैपनि व्यक्तिको निजी जीवनमा असर पर्ने खालका कार्यहरु नगर्न र नगराउन आव्हान गरेका छन् ।
जिल्ला प्रशासन सुनसरीले स्वास्थ्य सुरक्षाका मापदण्ड अपनाइ पर्व मनाउन जिल्ला बासीमा अनुरोध गरेका छन् । प्रशासनले जारी गरेको नियमबाहेक वा यस्ता अवाञ्छित क्रियाकलाप गर्नेलाई प्रचलित कानुन बमोजिम कार्वाही गर्ने चेतावनी दिएका छन् ।
