दुहबी / दुहबी नगरपालिका न्यायिक समितिको आयोजनामा मनोसामाजिक परामर्श तालिम मंगलबारदेखी सुरु भएको छ । न्यायिक समिति सदस्य, मेलमिलाकर्ता , वडा सदस्य लगायतलाइ दुहबी नगरपालिका ले ४ दिने तालिम सुरु गरेको हो । न्यायिक समितिकी संयोजक उपमेयर मेनुका खतीवडाको अध्यक्षता र नगरप्रमुख वेद नारायण गच्छादारको प्रमुख आतिथ्यमा तालिम उद्घाटन भएको छ्।
प्रमुख अतिथि गच्छादारले गमलामा पानी हालेर तालिमको उद्घाटन गर्दै मानिसमा सकारात्मक सोचको बिकास हुनु पर्ने बताए । हाम्रो समाजमा सकारात्मक भन्दा नकारात्मक सोच बढी हुने गर्छ,प्रमुख अतिथिले भने- त्यसका लागि मानसिक ,शारीरिक अबस्था ठिक हुनुपर्छ । भौतिक पुर्वाधारले मात्र नगर समृद्ध नहुने भन्दै उनले मानसिक रूपमा तन्दुरुस्त हुन आवश्यक रहेको बताए । खासगरी अचेलका युवायुवतीहरु के चाहन्छन,उनिहरुको समस्या के छ,त्यो हरेक सरोकारवाला र सरकारले बुझ्न सक्नुपर्ने र सोही अनुसार न्यायिक तथा मेलमिला समिति लाग्न प्रमुख अतिथि गच्छादारले आग्रह गरे ।
यो तालिम डाक्टर औषधी, बैद्यको झारफुक भन्दा पनि उत्तम तालिम रहेको ठहर गर्दै उनले भरपुर क्षेमता बृद्दिगरी समाजमा देखिने बिकृति र मानबिय तनावका कारण शृजित मनोरोग हरुलाइ परामर्शीय उपचार प्रदान गर्न सक्ने बन्न आग्रह गरे।
उपप्रमुख मेनुका खतीवडाले खुसी साथ बस्ने वातावरण बन्न तालिमले मद्दत पुर्याउने बिश्वास व्यक्त गरिन । उनले शारीरिक र मानसिक अबस्था तन्दुरुस्त रहन मनोपरामर्शको महत्त्व बढेको बताइन ।
तालिममा मन्जिता उपाध्यायले सहजीकरण गर्नेछन् ।
तालिम प्राप्त मनोविमर्शकताहरुले आफ्नो व्यक्तिगत जीवनमा देखिएका विसम परिस्थितिहरुलाई सहज रुपमा समायोजन गर्ने साथै नेपालको मानशिक स्वास्थ्यको क्षेत्रमा जस्तै विद्यालय, पूर्नस्थापना केन्द्र, विभिन्न संघसंस्थाहरु, तिनै तहका सरकार , स्वास्थ्य निकायहरुमा आफूले सिकेका सीपहरुको प्रयोग गर्न सक्नेछन्।
