दुहबी/थारु विद्यार्थी समाजको स्थापना दिवसको अवसरमा यहि भदौ १८ गते शनिबार विद्यार्थीलाई सम्मान सहित रक्तदान कार्यक्रम हुने पत्रकार सम्मेलनमार्फत जनाइएको छ। थारु विद्यार्थी समाज सुनसरी-मोरङको संयुक्त आयोजनामा हुने उक्त कार्यक्रममा सुनसरी-मोरङभरीका सामुदायिक तथा संस्थागत विद्यालयबाट एसइइमा उत्कृष्ट हुने विद्यार्थीहरु लाई प्रशंसा पत्र प्रदान गरिनुका साथै सामुदायिक विद्यालयबाट २ जना विद्यार्थीलाई ५ हजार नगद सहित सम्मान गरिने थारु विद्यार्थी समाज सुनसरी कार्य समितिका अध्यक्ष राजेश माझीले आज पत्रकार सम्मेलन मार्फत जानकारी दिएका हुन्।
थारु विद्यार्थी समाज सुनसरी-मोरङको संयुक्त आयोजनामा भएको पत्रकार सम्मेलनमा बिपन्न बर्गबाट ४ जना जेहेन्दार विद्यार्थीहरुलाई छात्रवृत्तिकालागि सिफारिस समेत गरिने जनाइएको छ। दुहबी ५ स्थित श्री सरस्वती मावीको सभाहमा भएको पत्रकार सम्मेलनमा बोल्दै श्री सरस्वती मावीका प्रधान अध्यापक तेज प्रसाद तिम्सिना र शिक्षक दुखाराम खां ले थारु विद्यार्थी समाजले समाजमा गरेको योगदानको विषयमा चर्चा गरेका थिए। उक्त कार्यक्रमको संयोजक थारु विद्यार्थी समाज सुनसरीका कोषाअध्यक्ष गौरव चौधरी रहेका छन् ।
पत्रकार सम्मेलनमा थारु विद्यार्थी समाजका केन्द्रिय उपाध्यक्ष प्रभुनारायण चौधरी,थारु विद्यार्थी समाज मोरङका वरिष्ठ उपाध्यक्ष प्रदीप कुमार माझी लगायतको उल्लेखनीय उपस्थिती रहेको थियो।
