सुनसरीको दुहबी ३ स्थित एक काठ मिलमा जुवा तास खेलीरहेको अवस्थामा ९ जना जुवाडे लाई
प्रहरीले पक्राउ गरेको छ।
कार्तिक २३ गते राती अन्दाजि १२ बजेको समयमा उनीहरुलाई नगद ७७ हजार ७ सय १० रुपैया सहित जुवा खालबाट पक्राउ गरेको प्रहरी स्रोतले जनाएको छ ।
सो घटनाको बिषयमा ईलाका प्रहरी कार्यलय दुहबीमा बुझदा जुवा खाल बाट ९ जना जुवाडे पक्राउ
परेको पुष्टि भएको छ । दुहबी प्रहरीका अनुसार
जुवा खाल बाट पक्राउ पर्नेमा दुहबी ३ घर भएका अन्दाजी बर्ष ३४ का दिपक मण्डल, दुहबी ३ घर भएका अन्दाजी बर्ष ३६ का टंक गिरि, दुहबी ३ घर भएका अन्दाजी बर्ष ३४ का अनिस सिंह,दुहबी ३ घर भएका सम्साद मियाँ, दुहबी ३ घर भएका अन्दाजी बर्ष ४६ का मंगल शाह, दुहबी ३ घर भएका अन्दाजी बर्ष ३८ का अलिम अंसार दुहबी ३ घर भएका अन्दाजी बर्ष ५२ का मोहमद मुखतार, दुहबी ४ घर भएका अन्दाजी बर्ष ४४ का सन्तोश बराल दुहबी ९ घर भएका अन्दाजी बर्ष ४५ का हजरत मिया
रहेको दुहबी प्रहरीले जनाएको छ ।
दुहबी ३ स्थित मुख्य बजारमा रहेको काठ मिल संचालक आलम मिया रहेको प्रहरीले बताए । सो मिलमा जुवा तास खेलिरहेका गोप्य सूचनाका आधारमा दुहबी प्रहरीले ९ जना जुवाडे लाई नियन्त्रणमा लिएको हो। सोमबार पक्राउ परेकाहरु माथी जुवा तास ऐन अन्तरगत मुद्दा चलाई ७ दिनको म्याद थप गरिएको दुहबी प्रहरीले जनाएको छ ।
