दुहबी/ प्रदेश नम्बर १ को महंगो
निर्वाचन क्षेत्र मानिएको सुनसरी क्षेत्र नम्बर ३ मा राजनीतिक दल र स्वतन्त्र उम्मेदवारको महाभिडन्त हुने भएको छ।
सुनसरी क्षेत्र नम्बर ३ बाट विभिन्न राजनीतिक दल सहित स्वतन्त्र उम्मेदवारले प्रतिनिधि सभा र प्रदेश सभाको उम्मेदवारी दर्ता गराएका छन। आज दुहबी स्थित निर्वाचन अधिकृतको कार्यालयमा उम्मेदवारी दर्ता गराएका हुन।
नेपाली कांग्रेस र माओवादी गठबन्धनबाट प्रतिनिधि सभा र प्रदेश सभा क र ख मा क्रमशः बिजय गच्छदार, सरस्वती पोखरेल र बिन्देश्वर यादवले उम्मेदवारी दर्ता गराए।
यसैगरी नेकपा एमालेबाट प्रतिनिधि सभा र प्रदेश सभा क र ख मा क्रमशः भगवती चौधरी, रोहित बहादुर कार्की र रामदेव यादवले उम्मेदवारी दर्ता गराए।
स्वतन्त्रबाट प्रतिनिधि सभामा मुकेश ढकाल,किशोर कुमार बिश्वास लगायत ११ जनाले उम्मेदवारी दर्ता गराए। प्रदेश सभा सदस्यमा प्रदीप चौधरी लगायतले स्वतन्त्र उम्मेदवारी दर्ता गराएको जनाइएको छ।
यसैगरी रास्ट्रिय प्रजातन्त्र पार्टीबाट प्रतिनिधि सभा र प्रदेश सभा क र ख मा क्रमशः कुलदिप चौधरी, खड्क कुमार श्रेष्ठ र इन्द्रावती राजवंसिले उम्मेदवारी दर्ता गराए। हाम्रो नेपाली पार्टी(लौरो)बाट प्रतिनिधि सभा र प्रदेश सभा क र ख मा क्रमशः गणेश कटुवाल, तिलक अधिकारी र सुनिता बिश्वासले उम्मेदवारी दर्ता गराए। लोसपाबाट प्रतिनिधि सभा र प्रदेश सभा क र ख मा क्रमशः देवनारायण यादव, मनिष प्रसाद रौनियार र रामविलास मेहताले उम्मेदवारी दर्ता गराए। नेपाली कांग्रेस(बिपि)बाट प्रतिनिधि सभा र प्रदेश सभा क मा क्रमशः अमर बहादुर राउत र रमेशकुमार आचार्यले उम्मेदवारी दर्ता गराए। रास्ट्रिय स्वतन्त्र पार्टीबाट प्रतिनिधि सभा सदस्यमा कमलबाबू मैनालीले उम्मेदवारी दर्ता गराए।
जनमत पार्टीबाट प्रदेश सभा ख मा हरेराम मंडल लगायतहरुले उम्मेदवारी दर्ता गराएको जनाइएको छ।
