सुनसरी / यो कुरा सुन्दा अचम्म लाग्छ कि सुनसरीको इनरूवा नगरपालिकामा गत आर्थिक बर्ष २०८०/८१ प्रतिबेदन अनुसार खाद्धान्न शिर्षकमा मात्रै १ करोड ५ लाख यस्तै चिया नास्ता खाजाका लागि चिनिने बिबिध खर्चमा ९० लाख र पानी बिजुलीमा १९ लाख खर्च भएको देखिन्छ। यसरी सबै शिर्षकमा भएको खर्चलाई हेर्दा करिब २ करोड खर्च भएको प्रस्ट देखिन्छ ।
यसरी नगरको प्रशासनिक खर्चमा भएको यति धेरै भारले आम जनतालाई सशंकित तुल्याएको छ ।
२ करोड बराबरको खान पिन मै खर्च गर्नुले याहाँ अनियमितता भएको छ कि भनेर आशंका गर्न सकिन्छ जुन अनुसन्धान र चर्चाको विषय बन्न पुगेको छ ।
यसरी खाना, खाजा, होटेल, गाडी भाडा र मायाको चिनो लगायतको भएको खर्च र यसमा अत्यधिक खर्च देखिनुको मतलब यसमा ब्यक्तिगत फाइदा लिने गरिएको छ र यस्ता किसिमका अनियमित खर्च छानबिनको दायरा मा आउनु पर्दछ भनी आम जनताको गुनासो रहेको छ ।
सुशासनलाई धज्जी उडाउँदै यस्तो अनावश्यक रूपमा अत्यधिक खर्च गर्ने प्रवृतिले आर्थिक सुशासन र समग्र सुशासन र पारदर्शितामा गम्भिर प्रश्न उठाएको छ ।
यो प्रवृतिलाई रोकेर जनताको कर रकमको सही उपयोग गर्न सकिएमा विकास र जनसेवामा ठुलो योगदान पुग्नेछ । जनप्रतिनिधीहरू जिम्मेवार भइ तत्काल कदम चालेर यो अनुशासनहिनतालाई अन्त्य गर्नुपर्ने स्थानीयहरुको भनाइ छ ।
