सम्पादकीय/ कोरोना भाइरसका कारण अहिलेसम्म दुहबीमा ५७ जना संक्रमित भइ सकेका छन। जस मध्ये ३ जना अस्पतालमा उपचाररत छन् भने ३४ जना होम आइसोलेसनमा छन्।
१३ जना संक्रमित को को हुन भनेर अहिलेसम्म कन्ट्याक्ट् हुन न सकेको दुहबी स्वास्थ्य शाखाका अधिकृत उचित नारायण शाहले बताए। अहिलेसम्म ७ जना कोरोना संक्रमण मुक्त भएका छन्।
दुहबीमा बनाइएको ४५ बेड र २० अक्सिजन सहितको आइसोलेसन अहिलेसम्म सुचारू हुन सकेको छैन।
दुहबीमा अहिलेसम्म स्वाब संकलन न भएकोले दुहबी स्वास्थ्य शाखाबाट सिफारिस लिएर कोशी अस्पताल जानुपर्ने र दुहबीको आइसोलेसन यहि जेठ १ गतेदेखि सुचारु हुने दुहबी स्वास्थ्य शाखाले जनाएको छ।
अस्पतालमा बेड र अक्सिजन पाउन मन्त्री स्तरकै ठुलै सोर्स लाउनुपर्ने अवस्था रहेकोले निम्न स्तरकाहरुलाई उपचार गराउन समस्या हुने देखिएको अस्पतालमा कोरोनाको उपचार गराइ रहेका एक स्थानीयले बताए।
कोरोना नियन्त्रण गर्न श्रीलङ्काले स्याण्ड विच प्यानल प्रयोग गरेर ५,००० बेड क्षमताको कोरोना अस्पताल बनाएको छ ! नेपालका तीन तहको सरकारलाइ यो कुरा शिक्षा हुन सक्छ ! नेपालमा पनि सम्भब छ! किन जाग्दैन हाम्रो सरकार ?
