इनरुवा / नेपाल कम्युनिष्ट पार्टी(नेकपा) प्रदेश १ का इन्र्चाज तथा प्रदेश १ का सासद भिमप्रसाद आचार्यले प्रदेश सरकारको मन्त्रीहरु फेरबदल हुने संकेत गर्नुभएको छ ।
आचार्यले सोमबार सुनसरीको हरिनगर गाउँपालिका २ रामनगर भुटाहामा पोष्टमार्टम साप्ताहिक पत्रिकाको बिमोचन गर्नुहुदै १ नम्बर प्रदेश सरकारको मन्त्रीहरु फेरबदल हुने संकेत गर्नुभएको हो ।
पत्रिका बिमोचन गर्नुहुदै नेता तथा पूर्व मन्त्री समेत रहनुभएका आचार्यले सहमती अनुसार मूख्यमन्त्री देखी मन्त्रीसम्म फेरी मात्रामा फेरबदल हुने बताउनुभयो । वहाँले प्रदेश सरकारको काम कार्वाही जनअपेक्षा अनुसार अगाडी बढेको भएपनि सोचेजस्तो नभएकाले दशै पछि प्रदेश सरकारको मन्त्रीहरु फेरबदल हुने बताउनुभयो ।
वहाँले घुमाउरो पाराले आफू पनि मूख्यमन्त्री हुन सक्ने संकेत गर्नुभएको छ । फरक प्रसंगमा आचार्यले पत्रिकाको विमोचन गर्नुहुदै संचारको विकास राम्रो भएपनि त्यसमा गुणस्तरीयता, विश्वशनियता र तथ्यमा आधारीत हुनु जरुरी रहेको बताउनुभयो वहाँले आफू मिडियामैत्री नेता भएकाले संचार, पत्रपत्रिका र रेडियो , टिभि सबैमा आफ्नो साथ र सहयोग रहने बताउनुभयो ।
विमोचन कार्यक्रममा नेकपामा केन्द्रिय सदस्य महफुज आलम, नेता अजय कुसियैत, लस्करी अंसारी, पर्शुराम यादव, नेपाल पत्रकार महासंघका प्रदेश सदस्य जयकृष्ण यादव, पत्रिका प्रकाशक सम्पादक आरिफ आलम र प्रवन्धक तबरेज आलम सहितको उपस्थिती रहेको थियो । अथितिहरुले पत्रिका टिमलाई बधाई दिएको थियो । पत्रिकाको निरन्तरताका लागि पनि आग्रह गरेको थियो ।
