दुहबी/ संघीय सरकारले ६ करोड कम रकमको बजेट विनियोजन गरेपछि सुनसरीको दुहबी नगरपालिकाका मेयर बेदनारायण गच्छदारले असन्तुष्टी जनाएका छन । नेपाली कांग्रेस दुहबी नगर सभापती तथा दुहबीका मेयर बेदनारायण गच्छदारले बिहीवार प्रेश बिज्ञप्ती जारी गर्दै दुहवी नगर माथि बजेटको न्यायोचित पुनर्विचार गर्न गरेको प्रेश बिज्ञप्ती जस्ताको तेस्तै :-
संघीयता लागु भएसंगै दुहवी नगरपालिकाले स्थानीय सरकार संचालन ऐन, २०७४ लाई आधार मानी संघीय सरकारको समृद्ध पालिका निर्माणका मुलभुत आधारहरुलाई अंगिकार गर्दै न्युनतम मापदण्ड अनुसार नीति निर्माण साथै भौतिक पूर्वाधारका आधार सिर्जना गर्दै आएको विदितै छ । दुहवी नगरपालिकाले आफ्नै बुतामा विकास साझेदार संस्था NGO,INGO हरुसंग सहकार्य गर्दै अन्तराष्ट्रिय स्तरको रङ्गशाला, खाद्य प्रशोधन केन्द्र, फोहोरमैला प्रशोधन केन्द्र, नमुना कृषि बजार, सुकुम्वासीहरुकालागि नगर प्रमुख आवास योजना, लिंक रोड कालोपत्रे, विद्यालय भवन निर्माण, नगर अस्पताल लगायत अरबौका बहुआयामिक र दुहवीका गौरवाका आयोजनाहरु संचालन गर्दै आएको छ भने आगामी दिनमा समेत प्रविाधिक शिक्षालय, वाटर फन पार्क, बहु आयामिक सपिङ कम्प्लेक्स लगायत ठुला योजनाहरु निर्माण गर्ने लक्ष्य लिएको थियो । नगरवासीको हित र सम्मुनतीको लागि दुहवी नगरपालिका अग्रणी स्थानमा रहेको भएतापनी आ.व. २०८०/८१ को वार्षिक वजेटमा योजना तथा कार्यक्रम समावेश गर्न पटक पटक विभिन्न विषयगत मन्त्रालयमा विस्तृत परियोजना प्रतिवेद(DPR) तयार गरी योजना/कार्यक्रम माँग गरीएको, राष्ट्रिय योजना आयोग समेत समपुरक तथा विशेष अनुदानमा योजना कार्यक्रम माँग गरिएकोमा आफ्नै पार्टी नेतृत्वको सरकारका अर्थमन्त्रीले सुनसरीका आयातित सांसद तथा पूर्व अर्थमन्त्रीको इसारामा बजेट विनियोजन गर्दा दुहवी नगरपालिकालाई असह्य हुने गरी उपेक्षा गरेको आयातित सांसद तथा पूर्व अर्थमन्त्रीले आफ्नो निर्वाचन क्षेत्रलाई सिंगो सुनसरी जिल्ला ठानी दुहवी न.पा. भन्दा झण्डै दोब्बर बढी बजेट दिलाएको तर दुहवी न.पा.लाई गत आ.व.मा भन्दा ६ करोड कम रकम विनियोजन गर्दा दुहवी नगरपालिकाले संचालन गरेको ठुला र ऐतिहासिक गौरवका आयोजनाहरु अलपत्र पर्ने र जसको कारण दुहवीवासीको मनोकांक्षा र समृद्धिमा कुठाराधात भएको महसुुस गर्दै तत्काल केन्द्र पार्टी पदाधिकारीहरु र सरकारमा सामेल कांग्रेसका मन्त्रीहरुले दुहवी माथि बजेटको न्यायोचित पुनर्विचार नगरे केन्द्रका कुनै पनि पार्टीका कार्यक्रममा सहभागी नहुने र नगरवासीको हित र समुन्नतिका खातिर जस्तोसुकै कारवाही पनि सहज स्वीकार गर्ने अठोटका साथ यो प्रेश विज्ञप्ती जारी गर्दछु ।
