दुहबी / सुनसरीको दुहबीमा कोचिला खबर मिडियाको आयोजना र ग्रामीण महिला उत्थान मन्चको सहयोगमा नगर स्तरीय निशुल्क ३ दिने उद्घोषण तथा पत्रकारीता तालिम बुधबार बाट सुरु भएको छ ।
कार्यक्रमका प्रमुख अथिती दुहबी नगर उपप्रमुख मेनुका खतिवडले सो तालिमको समुदघाटन गरेकि थिइन ।
सो कार्यक्रममा बोल्दै उप प्रमुख खतिवडाले पत्रकारिताले जनतामा सहि सूचना सम्प्रेसन गर्न र विकासका मुद्दालाई निरन्तर उठाउनुपर्ने कुरामा जोड दिएकि थिइन ।
गाँउगाँउमा सफल पत्रकार उत्पादन गर्ने उद्देश्यका साथ आयोजना गरिएको तालीममा दुहबी नगरका विभिन्न वडाहरु बाट ४० जना प्रशिक्षार्थीहरुको सहभागिता रहेको छ।
यसै गरी कार्यक्रमका विशिष्ट अतिथि तथा दुहबी नगरपालिकाका प्रमुख प्रशासकिय अधिकृत राजकुमार केसि र ईलाका प्रहरी कार्यालय दुहबीका प्रहरी निरीक्षक जयदेब माझीले तालीम एउटा सिकाइ र अनुभब आदानप्रदानको थलो भएकाले प्रशिक्षकहरुले सकेजती आफनो क्षमता प्रस्तुत गर्ने र प्रशिक्षार्थीहरुले त्यस्लाइ निकै अनुशासीत, लगनशिल र मेहनतका साथ ग्रहन गर्न सके तालीमले सार्थकता पाउने उल्लेख गर्दै तालिम पश्चात सबैले आ—आफना गाँउगाँउमा दबेर रहेका सत्य तथ्य घटनालाइ बाहिर उजागरण गर्नपर्नेमा जोड दिएका थिए।
सो कार्यक्रमका सहयोगि संस्था ग्रामीण महिला उत्थान मन्च कि अध्यक्ष सुनिता बिश्वासले महिला हरु लाई आत्म निर्भर बनाउन हाल पनि निशुल्क सिला कटाई , ब्युटी पार्लर , लगायत का तालिमहरु संचालनमा रहेको बताईन ।
कोचिला खबर मिडिया प्रा.ली.का अध्यक्ष सन्तोष कुमार सिंह को अध्यक्षतामा भएको कार्यक्रममा कोचिला खबर मिडियाका कार्याकारी सम्पादक प्रेम प्रसाद गिरिको आतिथ्यतामा कोचिला खबर मिडियाका प्रबन्धक अकबर अलिले कार्यक्रमका बारे प्रस्ट पारेका थिए । सो कार्यक्रममा कोचिला खबर सहकर्मि तथा पत्रकार अर्जुन खडकाको समेत उपस्थिति रहेका थिए भने कार्यक्रमको सञ्चालन सिर्जना लुईटेलले गरेकी थिईन ।
कार्यक्रममा अतिथिहरु दुहबी नगर स्वास्थ्य शाखा अधिकृत उचित नारायण साह,योजना शाखा प्रमुख ड्म्बर बहादुर बजगाई,कृषि शाखाका अजय गौतम लगायको उपस्थिति रहेको थियो ।
असार ३ गतेसम्म सञ्चालन हुने तालिममा पत्रकार प्रेम प्रसाद गिरि पत्रकारद्वव अर्जुन खडका अकवर अलि लगायतले तालिम तथा प्रशिक्षण दिने जनाइएको छ ।
