दुहबी / नेपाली काङ्ग्रेस दुहबी वडा नम्बर ३ का वडा सभापति श्रावण बिश्वासको नेतृत्वमा राप्रपा र एमाले परित्याग गरि ५० जना नेपाली काङ्ग्रेस मा प्रवेश गरेका छन।
आज दुहबी ३ को नया बस्ती गणेश मन्दिर मा एक कार्यक्रमको आयोजना गरि प्रमुख अतिथि नेपाली काङ्ग्रेस क्षेत्र नम्बर ३ (क) का सभापति दिपक ढकाल ,विशिष्ट अतिथि दुहबी नगर सभापति बेद गच्छदार ,वरिष्ठ नेता प्रदिप चौधरी ,कुमार थापा ,जिल्ला सदस्य ओम थापा,कल्पना कार्की लगायतले नव प्रबेशी हरुलाइ अबिर माला लगाइ पार्टी मा स्वागत गरेका थिए। 
राप्रपा जनता बहुमुखी क्याम्पसका सभापति तथा राप्रपा दुहबीका उपसभापति दिनेश काफ्ले को नेतृत्व मा ३६ जना साथै सरदार टोल बसन्त्पुर का राजेश सरदार को नेतृत्वमा १४ जना गरि जम्म ५० जनाको युवा समूह नेपाली काङ्ग्रेस मा प्रबेश गरेका थिए।
कार्यक्रममा बोल्दै प्रमुख अतिथि दिपक ढकाल ले यो पटक नेपाली काङ्ग्रेस ले देशै भरिको स्थानिय तह,प्रदेश र क्षेत्र जित्ने दाबी गर्दै सबै नेता कार्यकर्ता हरुले इमान्दार भएर लाग्नु पर्ने बताउदै दुहबी नगरपालिका भित्र काङ्ग्रेस को मेयरले गरेको काम मात्रै जनता समक्ष बुझाउने हो भने काङ्ग्रेस अत्याधिक बहुमतले जित्ने दाबी गरे।
विशिष्ट अतिथि दुहबी नगर सभापति बेद गच्छदारले मुलुक संघीय लोकतान्त्रिक गणतन्त्रात्मक राजनिती प्रणालिमा प्रबेश भैसके पश्चात् पहिलो सम्बिधान दिने सुशील कोइराला लाई स्मरण गर्दै मुलुक र मुलुकबासिको हित र समुन्नतिको लागि २००७ साल देखि ३६ साल हुँदै ४६ साल र ६२/६३ को दोश्रो जन आन्दोलन को नेतृत्व गर्दै सम्बिधान समेत दिएको इतिहास नबिर्सन अहिले काङ्ग्रेस लाई २/३ बहुमतले सबै निकाय र तह सम्म बिजयी गराउन नगरबासी लाई आग्रह गरेका थिए। उनले आफू नगर प्रमुख भए पछि दुहबीको भाग्य रेखा बदल्ने र नगर बासिको जिबन्स्थर उकास्ने काममा अहोरात्र खटेको र आफ्नो जीवन यश धर्तिमा रहेसम्म जनसेवामा समर्पित रहने वचन बद्दता प्रकट गरेका थिए। शिक्षा ,स्वास्थ , खेलकुद ,फोहोर प्रशोधन, बातावरण प्रदुषण नियन्त्रण ,स्वास्थ्य बिमा, खाद्य प्रसोधन,सडक, घुम्ती सडक, नमुना विद्यालय, हाटबजार, हरित प्रवर्द्धन ,कृषि प्रवर्द्धन ,पशु प्रवर्द्धन , सुकुम्बासी तथा अव्यवस्थित बसोबासिको लागि भुमी आयोग सग सम्झौता तथा कार्यन्वयन,सुकुम्बासी बस्ती निर्माण , लगायत को क्षेत्रमा आफुले काम गरेको हुदा काङ्ग्रेस हार्नु पर्ने कुनै कारण नरहेको उनले बताए।
पशुपति बिस्कुट – खत्वेटोल- राइटोल- जमजम चौक- मालहट्टी- सुन्दरमार्ग- बसन्त पुर गणेशमन्दिर हुदै कदमगाछी सम्मको रिङ्ग रोडको परियोजना रु २२ देखि २३ करोड सम्मको लगानिमा निर्माण का लागि डिपिआर तयार भैसकेको अब केही समय पछि ठेक्का लाग्ने बताउदै गच्छदार ले झोलुङ्गेपुल छेउमा हरितपार्क निर्माणका लागि १५ लाख छुट्टि सकेको हुदा तत्काल उपभोक्ता समिती गठन गरि काम थाल्न आग्रह गरेका थिए।
कार्यक्रम मा बरिस्ठ नेता प्रदिप चौधरी ,कुमार थापा, हाजी अब्दुल मिया,ओम थापा लगायत ले आ आफ्न सारगर्बित भनाइ हरु राखेका थिए।
वडा सभापति बिश्वास ले काङ्ग्रेस एक ढिक्क भएर अगाडि जाने र यो पटक जसरी भएनी काङ्ग्रेस ले अत्याधिक बहुमतले ३ नम्बर वडा जित्ने दाबी गरे। एमालेको गड भनिने गणेश मन्दिर टोल, र झागर बस्तीका अत्याधिक युवा हरु काङ्ग्रेस मा प्रबेश गराउन आफू सफल भएको बताउदै उनले अब एमालेले भन्ने गरेको लाल किल्ला तोडिसकेको र काङ्रेसको झन्डा फहराइ सकेको बताए।
पार्टी प्रबेश पछि राप्रपा दुहबी उपाध्यक्ष दिनेश काफ्ले ले लोकतान्त्रिक समाजबाद को प्रणेता काङ्ग्रेस को छहारिमा आफू सितल ताप्न आउन पाउँदा खुसी लागेको बताए।
