जुगेश दास सुनसरी / सुनसरीमा फेरि एकपटक नेपाल प्रहरी शंकाको घेरामा परेको छ । पुरानो ईलाका प्रहरी कार्यालय देवानगंज अहिले शंकाको घेरामा परेको हो ।
ईलाका प्रहरी कार्यालय देवानगंजको पुरानो भवनको शाैचालयमा नेपाल प्रहरीमा कार्यरत एक जवानको श्रीमती पासो लगाइ झुन्डिएर मृत अवस्थामा फेला परेको छ ।
सोही कार्यालयमा कार्यरत रहेको प्रहरी जवान अनिस पाैडेलको २३ वर्षीय श्रीमती सँध्या पाैडेल कार्यालयको बाथरुम भित्र पासो लागेर झुन्डिएर मृत भएको अवस्थामा भेटिएको छ ।
प्रहरी अनिस सोही कार्यालयमा प्रहरी जवान पदमा कार्यरत थिए । उनको श्रीमती सँध्या कार्यालय छेउको घरमा भाडामा बस्दै आएकी थिइन् । उनको एक सन्तान छाेरी १४ महिनाकाे रहेको छ । उनी दिउँसो डेराबाट श्रीमान अनिसको लुगा सफा गर्न प्रहरी कार्यालय आएकि थिइन् । मृतक सँध्याले श्रीमानको आधा लुगा सफा गरेको र आधा सफा गर्न बाकी रहेको थियो त्यसैबीच झुन्डिएको अवस्थामा उनको श्रीमानले देखेको थियो
ईटहरी नगरपालिका- ७ बस्ने प्रहरी अनिस पाैडेलले इलामको सुर्योदय नगरपालिका-१३ बस्ने सँध्या पाैडेलसँग करिब दुईवर्ष अघि विवाह गरेको थियो । देवानगंज गाउँपालिका- २ को पुरानो इलाका प्रहरी कार्यालयको छेउमा ११ दिनदेखी भाडाको कोठामै बस्दै आएकी थिइन् । सँध्या एघार दिन अगाडि मात्रै देवानगंज आएर बस्न थालिन् । सँध्याले सधै श्रीमान अनिसको लुगा सफा गर्न प्रहरी कार्यालय सधै आउथे । शनिबार ५ बजे लुगा सफा गर्न आएकी शँध्या साढे पाँच बजे मृत अवस्थमा किन भेटिए ? ११ दिनसम्म उनी राम्ररी बाँचेपनि १२ औं दिन भने उनी मृत किन भेटिए ? त्योपनि प्रहरी कार्यालयको बाथरुममा ? यदि आत्महत्या गरेको भए आफ्नो डेरा लिएको घरमा किन आत्महत्या गरेनन् ? कार्यालयमा झुन्डिएको अवस्थामा भेटिएपछि अहिले इलाका प्रहरी कार्यालय शंकाको घेरामा छन् ।
लुगा धोएको लामो समयसम्म फर्केर नआएपछि उनको श्रीमान अनिसले बाथरुममा जादा झुन्डिएको अवस्थामा देखिएको थिए । अनिसले हतार हतारमा डाेरी खाेलेर नजिकैकाे किल्निकमा लगेको थियो तर उनलाई डाक्टरले मृत्यु भईसकेकाे जवाफ दिएको ईप्रका देवानगंजका प्रहरी निरीक्षक बद्रीप्रसाद दाहालले जानकारी दिए ।
पुरानाे ईलाका प्रहरी कार्यालयमा प्रहरी सहायक निरीक्षक मुन्ना चाैधरीको कमाण्डमा हाल ५ जना प्रहरी कार्यरत रहेकाे छ ।
