दुहबी / सुनसरीको दुहबीमा भोलि देखि प्रथम दुहबी आमन्त्रण भेट्रान फुटबल प्रतियोगिता हुने दुहबी भेट्रान फुटबल क्लबका अध्यक्ष रुद्र बहादुर खड्काले आज पत्रकार सम्मेलन मार्फत जानकारी दिएका छन्।
सो प्रतियोगितामा सुनसरी मोरङका १० वटा टिमले प्रतिस्पर्धा गर्नेछ। प्रतियोगितामा प्रथम हुने टिमले उपाधी सहित ५१ हजार नगद तथा ट्रफी मेड्ल प्रमाणपत्र प्राप्त गर्नेछन् भने उप बिजेता टिमले ३१ हजार नगद तथा ट्रफी मेड्ल प्रमाणपत्र प्राप्त गर्नेछ। प्रतेक दिनको खेलमा उत्कृष्ट खेलाडीलाई नगद १ हजार सहित मेडल प्रदान गरिने तथा फाइनल खेलमा विधागत पुरस्कार तर्फ २-२ हजार नगद सहित ट्रफी प्रदान गरिने आयोजकले जनाएको छ। पत्रकार सम्मेलनमा दुहबी स्थित जनता मेडिकल हलका प्रोपाइटर सुराम खां थारुले १८ वटा जर्सी प्रदान गरे। 
फुटबल खेलमा लामो इतिहास बोकेको दुहबी नगरपालिका भित्रका ४० बर्ष कटेका फुटबल खेलाडीहरुको खेल अनुभव
तथा कौशलको सदुपयोग गर्दै यस क्षेत्रमा फुटबल खेलको बिकासमा थप योगदान गर्ने उदेश्यले प्रतियोगिता आयोजना गरिएको भेट्रान फुटबल क्लबका अध्यक्ष खड्काले जानकारी
दिए। हाल यस क्लबले प्रदेश १ मा हुने गरेका ७ वटा भेट्रान फुटबल प्रतियोगितामा भाग लिएको छ। 
दुहबीमा पहिलोपटक ४० बर्ष माथीका खेलाडीहरुको सहभागिता रहनेगरि दुहबी ५ स्थित श्री सरस्वती माबीको खेल मैदानमा सुरु हुने भेट्रान फुटबल प्रतियोगिताको फाइनल खेल मंसिर ४ गते हुनेछ।
फुट्बल जगतलाई उचाईमा पुराउन योगदान गरेका दुहबी क्षेत्र भित्रका पुराना खेलाडी हरुको सम्मानार्थ पहिलो पटक खेलको आयोजना गरिएको जनाउदै अध्यक्ष खड्काले ४० बर्ष माथिका मोरङ र सुनसरीका १० टिम का खेलाडी हरुको प्रत्यक्ष सहभागिता रहने बताएका छन।
बिगत लामो समय देखि दुहबिलाइ फुट्बल जगतमा पहिचान स्थापित गराउन दिलिप राई,शंकर थापा हुँदै संदिप राई जस्ता ख्याति प्राप्त ११ जना रास्टृय खेलाडी समेत उत्पादन गरिसकेको दुहबी भेट्रान अध्यक्ष खड्काले बताए।
“एक घन्टा ब्यायाम,नागरिकका लागि सुनौलो आयम” भन्ने मुल नाराका साथ सुरुहुने फुट्बल खेल नक आउटको आधारमा हुने आयोजक दुहबी भेट्रान क्लबका अध्यक्ष खड्काले जानकारी गराए।
सरस्वती माबिको खेलमैदानमा कार्तिक २५ देखि मंसिर ४ सम्म हुने उक्त खेलमा ग्रुप A मा ५ समूह र ग्रुप B मा ५ गरि जम्मा १० समूह रहने छन। ग्रुप A को पहिलो खेल हाम्रो धरान भेट्रान क्लब VS चौधरी ११ भेट्रान बीच दिनको २ बजे उद्घाटन पछि देखि सुरु हुने छ भने, ग्रुप B को पहिलो खेल कार्तिक २६ गते भरौल भेट्रान क्लब VS मिल्स भेट्रान क्लब बिछ हुने छ।
