दुहबी/ सुनसरीको दुहबी उद्योग बाणिज्य संघ र दुहबी नगरपालिकाको अनुगमन समितीबिच समन्वय नहुँदा कोरोना माहामारीको बेला दुहबीमा कालाबजारी र जमाखोरी हुने गरेको दुहबीका जन निर्वाचित जनप्रतिनिधीको आरोप छ।
आफू स्वयं दुहबीको होलसेल पसलमा गएर किनमेलको प्रक्रिया हेर्दा धेरै जसो घरायसी सामानहरु होलसेल दाममा न पाइएको र उच्च मुल्यमा किनेर बेच्नुपर्ने बाध्यता सृजना गराइएको उनको आरोप छ। उनका अनुसार होलसेल पसलका ब्यापारीहरुले मिलबाटै जमाखोरी र कालाबजारी भएकोले आफुहरुले उच्च मुल्यमा बेच्न बाध्य भएको दुहबीका एक होलसेल ब्यापारीले जानकारी दिएको बताए।
दुहबी नगरपालिकाकि उपमेयर तथा बजार अनुगमन समितीका संयोजक समेत रहेकी सुनिता दाहाल शाहको घर दुहबी बजारमै रहेकोले ब्यापारीहरुबाट गारो भएको हुन सक्ने कारणले दुहबी बजार अनुगमन फितलो भएको हुन सक्ने
समाचार स्रोत दिने जनप्रतिनिधीले आसंका व्यक्त गरेका छन्।
दुहबीमा पटक-पटक बजार अनुगमन भएपनि कार्वाही न भएको स्थानीयहरुको जनगुनासो ब्याप्त छ।
सो विषयमा दुहबी नगरपालिकाकि उपमेयर तथा बजार अनुगमन समितीका संयोजक सुनिता दाहाल शाहले आफू अहिले बाहिर भएको प्रतिक्रिया दिदै आइतबार आफू नगरपालिका आएर अनुगमन गरि जमाखोरी र कालाबजारी गर्नेलाई कार्वाहीको दायरामा ल्याउने बताउदैं दुहबीवासीलाई गारोपर्ने काममा आफू कहिल्यै न लागेको बताइन।
