दुहबी/सुनसरीको दुहवी नगरपालिका ९ सोनापुरका मो.सकुरुद्दिन, सफि आलम, नसा आलम, जम्सेद रैन, नुर आलम सिराज आलम लगायतकाले आफूहरु माथि आक्रमण भएको भन्दै न्यायको माग गरेका छन् । दुहबी नगरपालिका वडा नम्बर ९ सोनापुरमा गत चैत्र ११ गते भएकोे झडपमा आफूहरु घाईते सहित अन्यायमा परेकाले न्यायको लागि अपिल गरेका हुन् ।
उनिहरुका आफ्न्त लगायतले शुक्रबार पत्रकार सम्मेलन गरी आफुहरु घरमा सुतिरहेको बेला अचानक एक समूह आएर कुटपीट सहित आक्रमण गरी घाइते बनाई घरमा विभिन्न धनमाल चोरी गरि लगेको समेत आरोप लगाएका छन् । घरको मूलढोकामा लगाएको ताला फुटाई सकरुद्दिन मियाँको घरबाट नगद रु ५ लाख , तीस तोला चाँदि र पाँच तोला सुनको ब्रासेट, औठी, हार समेत चोरी गरेको र आक्रमण समेत गरेको घाइते पक्षका आफन्तहरुले आरोप लगाएका छन् । बिगत लामो समय देखि दुहबी अपराधको केन्द्र बिन्दु बन्न थालेको र सम्प्रदायीकताको रुप दिन केही व्यक्ति लागि परेको समेत उनिहरुले गुनासो गरेका छन । उनिहरुले एकपछि अर्को घटना भएको र एक पक्षहरुले एक समुदाय अर्को समुदाय माथि अनावश्यक आरोप लगाई आक्रमणमा उत्रेकाले सामाजिक सदभाव कायम गर्दै न्यायका लागि अपिल गरेका छन् ।
झडप भएको रातमा को २९ प १२६०, को ३२ प ३२५९ , ज ७ प ५८५८ नम्बर भएको तिन ओटा मोटरसाइकल समेत क्षती भएको घाइते मध्येका सकरुदिन मियाँले बताए। दुहबीमा शान्ती सुरक्षा र सदभावको वतावरण निर्माण गर्न आवश्यक रहेको उनले बताए । घटनाबारे प्रहरीले चासो नदेखाएको भन्दै दुहबी ९ का घाइतेपक्षकाहरूले जाहेरि दिएका १८ जनाहरूलाइ यथाशिघ्र पक्राउ गरि तत्काल कार्वाहि गर्नुपर्ने माग गरेका छन । पत्रकार सम्मेलनमा दुहबी ९ का कार्यबाहक वडाअध्यक्ष सतिस कुमार चौधरीले दुहबी ९ का घाइते जमशेद आलमको फोटो देखाउँदै घटनामा संलग्नलाइ कार्वाहिको माँग गरेका छन। उनले सो बिषयमा सर्वदलिय बैठक समेत बसि प्रहरी कार्यालयलाइ दबाब दिएको बताउँदै कोही कसैबाट सदभाव भड्काउँने क्रियाकलाप न गर्न आग्रह
गरे । उनले हालै उजुरी दर्ता गरेपनि दोषिहरूलाइ तत्काल कार्वाहि गर्नुपर्ने अडान राखे ।
२ हप्ता अगाडी दुहबीमा दुई समुह बीच झडप हुदाँ खुकुरी हानाहान भएको दुबैपक्षकाहरुले बताएका थिए। । सो मध्ये चार जना चिनेका र अन्य नचिनेका व्यक्तिहरु चैत ११ गते बेलुकी ८ ः३० बजे सामुहिक झडप र आक्रमण भएको दुहबी वडा नम्बर ९ का घाइते पक्षले दावी गरेका छन् ।
झडपमा वडा नम्बर २ वीर गाउँका ३ जना युबाहरु विशाल खवास, सुभनारायण चौधरी र अजय नारायण चौधरी लगायत घाइते भएका थिए । उनिहरु दुहबी स्थित जिबन ज्योति स्वास्थ्य क्लिनिकमा उपचार गराएका थिए भने एक जनाको हाल उपचार भइरहेको प्रहरीले जनाएको छ। स्थानीयका अनुसार पछिल्लो समय दुहबीमा हत्या हिंसा, बलात्कार, लागू पदार्थ ओसार पोसारको घटना हुदाँ समेत दुहबी प्रहरी क्रियाशिलता असफल जस्तो भईरहेको आरोप छ ।
घाइते भएका विशाल खवासका अनुसार आफु मोटरसाइकलमा जाने क्रममा बिपरित दिसा तर्फ आईरहेको मोटरसाइकल एक आपसमा नजिक भई जुध्न खोज्दा आफू बाटो काट्ने क्रममा सामान्य भनाभन भएकै भरमा आफूलाई दुहबी ९ बाट २० , २५ जनाको संख्यामा युवाहरु बोलाएर अनाधुन आक्रमण गरिएको दाबी गरेका थिए । झड्पको दुई हप्ता पछि दुबै पक्षको मुद्दा दर्ता भएको छ। दुहबी वडा नम्बर २ का युबाहरुले ईलाका प्रहरी कार्यालय दुहबीमा १७ जना विरुद्ध ज्यान मार्ने उद्योगको मुद्दा,डाका मुद्दा र बाल यौन दुरासयको मुद्दा दर्ता गरेका हुन भने दुहबी वडा नम्बर ९ का युबाहरुले ईलाका प्रहरी कार्यालय दुहबीमा १८ जना विरुद्ध ज्यान मार्ने उद्योगको मुद्दा,डाका मुद्दा र जबर्जस्ती करणिको प्रयासको मुद्दा दर्ता गरेकोले अनुसन्धान भइ रहेको प्रहरीले जनाएको छ। २ हप्ता अगाडी दुहबी वडा नम्बर २ र दुहबी वडा नम्बर ९ का युबाहरुको विवाद पछि झडप उत्पन्न हुँदा दुबै पक्षका एक दर्जन बढी युबाहरु घाइते भएका थिए। अहिले २ जनाको उपचार भइरहेको प्रहरीले जनाएको छ।
