दुहवी / सुनसरीको दुहबी ५ स्थित सन्चालनको तयारीमा रहेको फरवार्ड इन्टरप्राइजेजले विभिन्न पदमा कर्मचारी माग गरेको छ ।
दुहवीकै पहिलो सुविधा सम्पन्न सपिङ कम्प्लेक्सका लागि फरवार्डले कोचिला खबरमा सार्वजनिक सूचना प्रकाशित गरेर आवश्यक जनशक्ति माग गरेको हो ।
फरवार्ड इन्टरप्राइजेजले दुहवीमा सञ्चालन गर्न लागेको डिपार्टमेन्ट स्टोरका लागि मेनेजर, एकाउन्टेन्ट, सुपरभाइजर, आइटी, स्टोर किपर लगायत पदमा कर्मचारी माग गरेको हो ।
प्रकाशित सूचना अनुसार डिपार्टमेन्ट स्टोरको मेनेजरका लागि व्यवस्थापनमा स्नातकोत्तर गरी सम्बन्धीत क्षेत्रमा ३ वर्ष काम गरेको योग्यता चाहिने बताइएको छ ।
फरवार्ड इन्टरप्राइजेजले सेल्स मेन ७ जना , क्यासिएर ७ जना , क्याफे स्टाफ १ जना , स्टोर किपर १ जना , हेल्पर ५ जना क्लिनरमा २ जना इलेक्ट्रिसियनमा १ जना आई . टि मा १ जना गरि विभिन्न पदमा ३३ कर्मचारी माग गरेको छ ।
फरवार्ड इन्टरप्राइजेज सुनसरी दुहवीको पहिलो सुविधा सम्पन्न सुपरमार्केट हो । जहाँ घरायसी, खाद्यान्न, लत्ताकपडा तथा ग्लोसरी आइटमहरु सुर्वसुलभ र सुपथ मुल्यमा उपभोक्ताले खरिद गर्न पाउने छन् । फरवार्ड कम्प्लेक्समा अत्याधुनिक सिनेमा घर, बैंक तथा वित्तीय संस्थाका कार्यालय पनि रहने सन्चालकले बताइएको छ । कर्मचारी भर्नाको अन्तिम दरखास्त मिति २०७७ चैत २४ गते भित्र रहेको प्रकाशि सूचनामा उल्लेख रहेको छ ।
