दुहबी/सुनसरीको दुहवी ५ स्थित बजार क्षेत्रको २ बिगाह जग्गा मध्ये १३ कठ्ठा १९ धुर भित्र विभिन्न व्यक्तिले बनाएका घर–टहरा भत्काउन दुहबी नगरपालिकाको ३५ दिने सूचना सार्वजनिक भएपछि दुहबी नगरपालिकाका मेयर बेदनारायण गच्छदार र स्थानियबिच २ घण्टा लामो वार्ता निस्कर्सबिहिन भएको छ। स्थानियहरुले ७० वर्ष देखि व्यापार व्यवसाय गर्दै वसोवास गरेको साविकको दुहबी गाउँ पंचायत/गाविस र नगरपालिकालाइ कर तिर्दै आएकाले ब्यबसायि र सुकुम्वासीहरुलाइ कुनै समन्वय नगरि सूचना जारि गरेको भन्दै गूनासो गरेका थिए। सो ठाउँमा बस्ने सुकुम्वासीहरुलाइ कुनै ब्यबस्था न गरि हटाउन लागिएको भन्दै स्थानियहरुले गूनासो गरे । आफुहरु वर्षौदेखि वसोवास गर्दै आएको व्यवसायिहरु भएकाले व्यवसाय गर्न बैंकको ऋण लिएकोले दुहबी नगरपालिकाले आफुहरुसँग कुनै समन्वय नगरेको भन्दै व्यवसाय र वसोवासको ग्यारेन्टी गर्नुपर्ने स्थानियहरु बताउँछन। स्थानियहरुले संर्घस समिति गठन गर्दै न्यायकोलागि अदालतमा जाने समेत बताए।
नगरपालिकाले खाली गरेको जग्गामा सपिङ कम्प्लेक्स निर्माण गर्ने योजना अघि बढाएसँगै तत्काल घर–टहरा हटाउन लागिएको मेयर बेदनारायण गच्छदारले बताए। मेयर गच्छदारका अनुसार सुरु देखि बस्दै आएका व्यवसायिहरुलाइ प्राथमिकतामा राखेर सो ठाउँमा ब्यवस्थित गरी सपिङ सेन्टरमा सटरहरु दिने र सुकुम्वासीहरुलाइ समेत ब्यबस्थित गर्दै लैजाने बताए। सो बिषयमा दुहबी गाविसका पूर्व अध्यक्ष एवं नेकमा एमालेका नेता बिनय पोखरेलका अनुसार नगरपालिकाले बनाउन लागेको सपिङ कम्पलेक्सको बजेटको ग्यारेन्टी गरेर मात्र खाली गराउनुपर्ने बताउँदै खाली गरेको ठाउँ बर्षौ सम्म त्यतीकै न छाड्न जोड दिए। उनका अनुसार सो ठाउँका व्यवसायि र सुकुमवासीलाइ ब्यबस्थित गरेर लैजानुपर्नेमा जोड दिए।
व्यापारिक मार्ग विस्तार ६ लेन सडक आयोजना अन्तर्गत चीन र भारतसँगको सोझो ‘लिङ्क’ रोडको रुपमा विस्तार भइरहेको सडक अन्तर्गत यति बेला दुहवी बजार क्षेत्रमा सडक विस्तार हुन सकेको छैन्। कोशी राजमार्गमा ४९ किलोमिटर सडकमध्ये दुहवीमा सरकारले २०५४ सालमै ६३० मिटर क्षेत्रलाई बिल्टअप क्षेत्रको रुपमा कायम गर्न निर्णय गरेको थियो। अर्कातिर सडक विस्तार गर्ने योजनाको विरुद्ध स्थानीयको एक समूहले सर्वोच्च अदालतमा मुद्दा दायर गरेकाले गर्दा त्यो मुद्दा टुङ्गो नलाग्दा पनि समस्या भएको हो।
६ महिना पछि ६ लेन सडक आयोजना फिर्ता कोल्याप्स हुँन जाने स्रोतको दावी सँगै ६ लेन सडकको बाधक रहेको स्थानियहरु र दुहबी नगरपालिकाको स्वामित्वमा रहेको ६ सय ३० मिटरमा रहेको जग्गाको २५–२५ मिटर दायाँबाँयाको संरचना खाली हुनुपर्ने जानकारहरु बताउँछन। राष्ट्रिय गौरवको १२ अर्वको ६ लेन सडक योजनामा बाधक पर्ने स्थानिय र दुहबी नगरपालिकाको स्वामित्वमा रहेको ६ सय ३० मिटर जग्गालाइ कसरी खाली गर्ने भन्ने बिषयमा छिटोभन्दाछिटो स्थानिय सरोकारवालाहरु र जनप्रतिनिध/नेता बिच संवाद गरेर लैजानपर्ने स्थानिय बुद्धिजिविहरुको भनाइ छ।
